掃呢頁CODE去手機

2014年10月17日 星期五

[忽然1周 1003] 亞視局員工繼續開工 張家瑩:再拖糧追究到底 張家瑩,亞視,MW,




老闆娘出馬

張家瑩今年 8月與家人投資開日、泰餐廳,雖然近日生意受「佔銅」影響,她仍然落手落腳打點餐廳大小事務。

娛樂喧

亞視局員工繼續開工 張家瑩:再拖糧追究到底

最近香港電視業界大地震, 11月中王維基的香港電視網上開台,大台出現四散潮,連自己培養的藝員都紛紛出走另謀發展。大台眾叛親離,亞洲電視亦窮途末路,台前幕後被公司拖糧,怨聲載道士氣低迷。








雖然 9月份薪金未有着落,但一班合約藝人仍然局住開工,張家瑩、蔡國威連日都要為《亞洲先生》做宣傳。周一晚( 13日),張家瑩抽空在她投資的餐廳捧餐做侍應。對於公司拖糧,她表示與其他受影響同事同一陣線:「再拖落去會追究到底!」員工身處水深火熱,老闆王征日前卻被踢爆生活奢華,仲豪裝大宅。有錢都唔出糧,道理何在!

張家瑩除了親自上菜,更推介最好的品嚐方法。不少客人都細心聆聽,看來甚滿意老闆的服務態度。

張家瑩親自為客人沖調檸檬茶,記者所見她絕對唔係雞手鴨腳。

餐廳分泰菜及日本燒肉兩邊,泰菜入座率相當唔錯,張家瑩表示近月生意明顯下跌,但仍會體諒為民主發聲的人士。

一向自稱良心電視台的亞洲電視,回歸後曾多次易主,不斷有管理層人士變動。 2010年王征斥資入主,擔任執行董事高級顧問,成為亞視實際控制人,不過近年公司依然虧蝕嚴重。

近月盛傳亞視又將會易主,因為公司董事人士變動,令帳面餘額不足以支付員工的九月薪金。據悉至截稿前仍未發薪,近 800名職藝員受影響。 07年亞姐冠軍張家瑩効力亞視已 7年,身受拖糧影響,幸好早於 8月她與家人合資開設日、泰餐廳,未至於手停口停。周一晚( 13日)本刊記者到訪她位於銅鑼灣世貿中心的餐廳,看見她親力親為打點餐廳,由接待客人到傳菜埋單一腳踢。

當選 2007年亞洲小姐冠軍的張家瑩,毫不吝嗇其 34E激凸身材,常以三點式見報。 09年曾約滿離開,一年後再重返亞視,擔任資訊及綜藝節目主持。

《蘋果日報》圖片

欠薪通告

亞視拖糧員工冇糧出,老闆王征仍未現身,最近更於微博放自己外遊逍遙的泳照,「良心之父」懶理員工慘況。

王征潛水

亞視拖糧員工冇糧出,老闆王征仍未現身,最近更於微博放自己外遊逍遙的泳照,「良心之父」懶理員工慘況。

遭拖糧的張家瑩堅持工作,周二( 14日)與袁潔儀(左二)等人一同出席《亞洲小姐》活動。

非首次欠糧

落重本貼《亞生》

亞視出通告指公司財政有問題,但周一( 13日)《亞洲先生》活動中,有參賽者踢爆亞視津貼其衣、食、住、行,相當闊佬。

記者上前表明身份,張家瑩大方接受訪問。對於冇糧出,她表示自尋出路:「去到呢個階段,我都好無奈,依家惟有放多啲時間喺餐廳。其實之前公司都試過凍結咗 account出唔到糧,但一個星期左右就出番啲糧。但今次過咗兩個星期都未出糧,唔擔心就假嘅。一開始聽到呢件事都好驚訝,有同事 send咗公司張 memo俾我睇先確定,咁大間公司竟然發生咁嘅情況。」

雖然未獲發薪,但張家瑩仍要順從亞視指派,擔任本周五( 17日)舉行的《亞洲先生》節目司儀:「我係公司見報率最高嘅藝人之一,公司投放咗好多資源同時間喺我身上。我本身對公司好有感情,嚟緊星期五都會照做《亞洲先生》。不過我哋始終要食飯同生活,長此落去唔係辦法,如果再拖糧我同班同事都會追究到底。」據知一班合約藝員已有共識,若然 10月份的薪金仍未獲發放,他們便會作進一步行動,到勞工處申訴。

最近屢傳嘉華國際及銀河娛樂主席呂志和及英皇集團主席楊受成都有意收購亞視,張家瑩表示傳聞太多,她早已睇得好淡。

取消節目巡禮

台慶好冷清

今年 5月亞視台慶,撐場藝員除蔡國威、朱慧珊、劉錫賢及魏秋樺,只有一大班不知名藝員。

亞視的自家製作寥寥可數,每年最大型的節目是《亞洲先生》及《亞洲小姐》,據知情者透露:「亞視近月落重本投資落《亞洲先生》,吸納到啲客落廣告吖嘛,不過同樣喺星期五舉行嘅亞視節目巡禮就 cut咗喇!話冇咁多資源喎!睇嚟班高層都係想解決咗燃眉之急先再算。」亞視前景未卜,老闆王征日前被踢爆繼續吃喝玩樂,又落重本裝修北京大宅,置員工生計於不顧。相信一班藝員及員工睇見,唔心噏就假!

亞視藝人發聲

早年風光過的亞洲電視,近年發展每況愈下,較為人熟悉的藝人都過檔大台,現有的幕前藝人寥寥無幾。在亞視網頁中所見藝人不過 53位,噏得出名的不出十個,對於今次拖糧事件他們都勇於發聲。

《蘋果日報》圖片

袁潔儀

我啱啱先簽新約,冇固定邊日出糧,加上我唔係屋企經濟支柱,有老公頂住,暫時對我冇咩影響,就算嚟緊冇糧出我都擔心唔嚟。

筱靖

我得 7,000蚊人工,自己有物業揸手,對我嘅影響唔及其他幕後同事要養家咁大。公司話係股權變動影響到冇糧出,今個星期初會有定案,但今日都未聽到有新消息。

顏子菲

我已經離開咗亞視三個月,一早收晒應得嘅人工。不過好多舊同事要養家供樓,我都好體恤佢哋,希望佢哋唔會因為咁對公司冇咗信心。

蔡國威

好彩我有儲蓄習慣,但仍然好擔心呢件事。不過我好樂觀嘅,相信唔會拖多過一個月,如果多過一個月都唔出糧,就會同同事去勞工處。

瘋傳亞視買主大比拼

亞視董事局變動,外界瘋傳兩位買家分別是呂志和及楊受成。雖然楊受成旗下的英皇娛樂集團具有相當的行內經驗,但鬥身家始終不及香港富豪榜第二位的呂志和雄厚。



鍾意就快D Share啦!