掃呢頁CODE去手機

2014年10月24日 星期五

[忽然1周 - 1004] 黃子華 幫政府度 S橋清場 子華,政治時事,清場,黃子華,MW,




靚抽王

幫政府度 S橋清場

近日示威佔領行動愈演愈烈,真係每日都有新聞,佔領嘅市民同學生辛苦喇!而維持秩序嘅警察同警犬,都辛苦喇!政府成日聯同一班建制派人士,諗住勸大家撤退清場,但係都不得其法。不過正常嘅,觀乎一男子嘅政治智慧,唔好話啲示威群眾吖,佢連自己個女都未教得掂!就等我哋 S橋王好心幫政府度番啲好橋罷啦:








黃子華維穩棟篤笑

近日男神子華喺棟篤笑入面講盡示威者嘅心情,「我哋香港人光明磊落」一句,令到萬千粉絲都非常滾動。所以話,男神講一句,好過啲高官講十句,只要政府能夠請到阿子華幫手搞番個維穩棟篤笑,再將啲飛喺示威區度派,咁一定可以順利清場。問題係,你估智慧高過啲高官咁多嘅子華,會唔會聽你哋點吖?

絕對無敵秒殺必勝絕招

之前講嗰啲橋呢,唔係冇用,不過都係講玩笑居多。以下呢條橋,政府真係要好好聽吓,因為我哋係非常認真的,而且我娛文樂夠膽講句,呢招唔得,咁冇一招會得呀!嗱,你聽住喇,條橋呢就係咁嘅:只要政府答應學生嘅要求,咁就一天都光晒,可以皆大歡喜一齊 BBQ仲邊有人佔領吖! Bye!

設立永久露營休閒區

市民們喺唔同嘅佔領場地留守過夜,你估真係貪玩咩?無非都係想爭取真普選啫。不過既然佢哋都落晒區紮晒營,不如將錯就錯,將呢啲佔領區開放做露營區。咁既然變晒做露營區,咁邊有佔領呢?



鍾意就快D Share啦!