全城熱爆的娛樂八封新聞 & 時事趣聞 & 生活 + 趣聞
一俾完錢，發哥就俾成班後生仔女「集郵」，親民嘅佢，繼續幫手揸機。之前遇到嘅賓賓梗唔執輸，企定定等「集郵」。
最近成日流傳話內地要封殺多位撐學生嘅藝人，仲講到連我哋最愛嘅發哥都榜上有名㖭。哦……咁係咪要好驚呢？都係發哥答得好，淨係講咗句：「咪賺少啲囉！」真係難怪唔少 fans都叫佢做「民間特首」，呢啲咪骨氣囉！
早幾日，媽咪姐去又一城行街街嗰陣，又見到發哥俾老中青 fans圍住「集郵」，連賓賓都勁冧佢。貪靚嘅發哥仲買咗個日本製指甲銼，啲好事之徒唔知會唔會又話佢唔用國貨唔夠愛國呢呵？但喺媽咪姐同廣大市民眼中，心繫學生嘅發哥，無得頂呀！
發哥拎住個價值$98嘅指甲銼（白圈）去俾錢，一樣排緊隊嘅賓賓一眼認出佢，仲猛同發哥傾偈，好羨慕呀！
美甲有辦法
呢位女士原本都想搵發哥「集郵」，但電話忽然 short咗。發哥仲幫佢 check吓部電話， nice到呢。
發哥一出聲，黃秋生即刻喺 fb響應話要減價拍港產片，成 3萬人讚好呀！
