掃呢頁CODE去手機

2014年10月31日 星期五

[忽然1周 - 1005] 陳凱琳係人都啱……傾 凱琳,陳凱琳,MW,




睇吓關浩揚個樣冧到爆,連側邊嘅保安大叔都 feel到關浩揚好 high。

媽咪姐

陳凱琳係人都啱……傾

大台近期擔到大旗嘅大星走吓一個,走吓又一個,數吓手指,真係所剩無幾,咁點?惟有捧新星囉!最近最受捧嘅就係啱啱 8月先卸任嘅上屆港姐冠軍陳凱琳( Grace)。

最近 Grace同人夫張繼聰拍新劇《四個女人三個 bar》,型男美女,即刻傳緋聞。或者咁講, Grace鬼妹仔性格,同邊個都傾得一大餐。好似早幾日開外景,見佢同有「拉丁霍啟剛」之稱嘅二打六星關浩揚傾到眉開眼笑。媽咪姐唔係 Grace心裏嗰條蟲,又冇機會埋去問佢,所以唔知 Grace講咗啲乜,但關浩揚個樣就好冧嘞,有圖有真相,去片。

等埋位時,陳凱琳已率先同關浩揚打招呼。

Grace唔知係咪企到攰,竟然學咗強國人咁踎喺度,着住短裙嘅佢完全毋懼走光。勇!

兩個連飲緊水都雞啄唔斷咁,陳凱琳仲興奮到手舞足蹈㖭。



鍾意就快D Share啦!