網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月2日 星期四

[壹週刊 1282] 54歲紅姑 咬手指電仔 M1,




大口咬

五十四歲紅姑枯木逢春,對住新歡側晒頭兼咬手指賣萌,恍如懷春少女。

探熱針

54歲紅姑 咬手指電仔

丈夫朱家鼎 07年因食道癌離世,獨身多年的紅姑鍾楚紅,去年被撞破跟兩名型男約會,其中一個更是 agnes b.高層丘家輝( Donald)。經緋聞男友穿針引線,紅姑早前與品牌合作搞個人相展,二人拍拖現身做宣傳,又約埋專登撐場的老友 Sammi鄭秀文 high tea。有型男、天后陪 hea,紅姑表現風騷,不時托腮、咬手指,恍如懷春少女。

天后做電燈膽

決定開綠燈接受新戀情的紅姑,身邊一直不乏追求者,當中以 agnes b.型男高層 Donald最得紅姑歡心。據知,除了公事,二人私下亦經常約會。今次紅姑與 agnes b.合作舉行個人慈善相展,背後全靠 Donald一手一腳安排。

上週四(九月廿五日),二人現身尖沙咀 K11商場,為相展做宣傳,同紅姑老友鬼鬼的 Sammi亦現身捐錢撐場,活動後,又約埋到樓上的餐廳歎茶。

化行妝,一副戰鬥格的紅姑,身穿 sharp爆綠色連身裙,三人坐在餐廳的角落位置,電燈膽 Sammi識做坐中間位,讓紅姑可以同 Donald面對面。

再咬

電力十足的紅姑,不斷向 Donald放電,身旁的 Sammi完全被忽略。

Donald說話時,紅姑托腮含春望實對方,咪咪嘴笑。

紅姑視線全程離不開 Donald,望住對方背影都繼續冧笑。

當日 Sammi亦現身相展捐錢支持,全程夾在紅姑與 Donald中間做電燈膽。

宇宙最迷人

情人、知己齊腳,年屆五十四歲的紅姑心情靚爆,不時咬手指、托腮賣萌,全程含情脈脈望實 Donald,幾乎當天后 Sammi透明。

打牙骹半小時,紅姑由 Donald陪住返回影展繼續做訪問,而 Sammi則走到接待處捐錢再離開。

「前年 Sammi同紅姑喺個飯局識咗, Sammi好鍾意紅姑,又話佢同自己性格好似,連衣著品味都好夾,兩個成日約出嚟 tea傾心事,有時一傾就幾粒鐘。紅姑鍾意花,仲好識做咁成日買花送俾 Sammi,而家搞到 Sammi都俾佢影響埋。」知情者透露。

紅姑與 Sammi前年開始熟絡,二人除了相約飯局傾心事,紅姑更經常送花給 Sammi。

去年,紅姑首次被撞破同 Donald約會,男方更送上鮮花,氹得紅姑四萬咁口。



鍾意就快D Share啦!