網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月23日 星期四

[壹週刊 - 1285] 反轉豬肚 林峯簽英皇 反無綫 林峯,英皇,M1,




探熱針

反轉豬肚 林峯簽英皇 反無綫

今年七月正式約滿無綫的林峯,一直盛傳會自組開經理人公司,但原來他跟英皇娛樂傾掂數過檔,除了唱片約,還包括三年經理人合約,與謝霆鋒、容祖兒、古巨基拍住上。

最近有傳英皇老闆楊受成,與呂志和、林建岳聯手買亞視,快將成為英皇人的林峯,隨時掉轉槍頭,亮相亞視反無綫。

合作無間

老豆係廈門「李嘉誠」的林峯,自七月約滿無綫後,一直處於半休息狀態,只間中參與商演及內地演唱會。雖然未有新動向公布,但原來他已將唱片及經理人合約簽俾英皇,為期三年。

「阿峯○七年喺樂易玲撮合下,簽咗英皇唱片,雙方關係一直都好好,吳雨大哥知道阿峯約滿無綫,都有搵佢傾過檔,連楊生都有開口叫佢過嚟。」一名英皇人說。

在無綫十五年,一度是樂易玲頭號愛將的林峯,一二年因失落台慶視帝寶座,才下定決心走人。

「係人都知阿峯恨攞視帝,始終出道十五年,佢覺得自己係時候攞,加上當時《雷霆掃毒》口碑好,樂小姐又拍晒心口話俾硬佢,點知最後輸咗俾唔係親生仔嘅黎耀祥,阿峯唔嬲就假,佢同朋友講,一定唔會再留喺 TVB,因為做親生仔都冇用!」知情者說。

樂易玲留唔住林峯,亦因此在大台失勢。

英皇旗下有容祖兒、謝霆鋒、 Twins、古巨基,今次傾林峯加盟,楊受成亦幫口落足嘴頭。

做生不如做熟

無綫為補鑊,兩度安排他奪《勁歌頒獎禮》的「最受歡迎男歌手」獎,可惜林峯依然拒絕留低。

「老豆大把,本來林峯打算自己投資開公司,但諗諗吓又怕煩,最後放棄做老闆,加上佢一話走,好多公司都搵佢過檔,包括 Paco嘅太陽城娛樂,仲有黃百鳴嘅天馬娛樂,價錢同條件又唔差,但林峯覺得做生不如做熟,最終揀咗英皇!」知情者說。

英皇成功收歸林峯,另一邊廂,亦有傳楊受成與呂志和、林建岳聯手洽購亞視。昔日與無綫關係友好的英皇,因不滿大台硬捧「星夢幫」,早前下令旗下歌手罷簽無綫歌星約抗議,若洽購成功,將成為英皇人的林峯,隨時倒戈相向做亞視人。

與吳千語拍拖後,林峯經常被指無心工作,與樂易玲亦磨擦漸深。

一二年的台慶頒獎禮,諗住坐定粒六做視帝的林峯,知道失獎一刻,已經扁晒嘴,更私下揚言絕不留在 TVB。

不斷人才流失,余詠珊力捧愛將黃翠如、洪永城卻未成氣候。

與阿佘合作的《使徒行者》,成林峯離巢前最後作品。

散得就散

自余詠珊入主後,派系鬥爭令大台內憂外患,繼一眾花旦小生離巢後,就連一班幕後老臣子及歌手都紛紛加入逃亡潮。

何麗全

70年代已加入無綫,擔任非戲劇節目總監的何麗全,創作過無數長壽綜藝節目,包括《歡樂今宵》、《獎門人》系列和《香港小姐》等。 11年,何麗全轉投李澤楷旗下的 nowTV,但近日盛傳他已遞離職信,準備過檔亞視。

梁家樹

在大台服務 37年,任職無綫製作部戲劇製作總監的梁家樹,歷年代表作包括《衝上雲霄》、《怒火街頭》等。自余詠珊空降無綫後,梁家樹即被打入冷宮,今年 2月被調到邵氏電影任高級顧問。無綫當係草,但林建岳卻睇中梁家樹,安排他加盟寰亞新增的電視製作部,每年製作 200小時電視劇,主攻內地及海外市場。

英皇反枱

當年無綫與四大唱片鬧翻,英皇傾力硬撐,但自去年無綫成立星夢娛樂後,大台只顧捧自己友,英皇盛怒下,決定同無綫割席,旗下的古巨基、阿 Sa、阿嬌拒絕與無綫續簽歌手約,一姐容祖兒年底約滿後,亦會加入逃亡潮。



鍾意就快D Share啦!