網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月30日 星期四

[壹週刊 - 1286] 腎再生瘤 瘦剩 50磅無法開刀 司馬燕酒吧搞告別會 司馬燕,M1,




為抗胃癌,司馬燕切除整個胃部後,繼續接受化療,可是出現不少後遺症,至今做過逾六次手術。近期她發現腎生瘤,體重降至五十磅,留院期間已向親友交代後事。

娛頭

腎再生瘤 瘦剩 50磅無法開刀 司馬燕酒吧搞告別會

五十一歲的司馬燕, 12年確診胃癌,切除整個胃部並要服用口服化療藥後,腎臟、膽管、尿管亦相繼出現問題,累計做了六次大手術,體重由一百磅跌至近期的五十磅。上週一(二十日),剛發現腎臟有兩個瘤的她更出現膽管閉塞,病情急轉直下,要漏夜送院。醫生指出,司馬燕身體太虛弱,無法再開刀。

面對逆境,豁達的司馬燕已向家人交帶後事,更表示想在酒吧舉行告別會;同時變賣所有物業,將全部財產留給兩個仔。

醫生唔俾出院

近幾年一直和病魔抗爭的司馬燕,最近被發現腎臟出現兩個瘤,因腎機能衰退,無法排毒,全身水腫;加上膽管閉塞,令她不時嘔出膽汁,十分痛苦;體重亦由七十磅急降至五十磅,再被急送入院的她,只能打嗎啡止痛。

「 Michelle(司馬燕)割咗胃之後,營養吸收得好差,影響到其他器官。幾個月前因為尿管有纖維瘤,佢要喺四日內做兩次手術,今次到個腎發現兩個瘤,仲有膽管閉塞。醫生擔心佢身體承受唔到,講明已經無得做手術;而家每兩個鐘就同佢抽嘢驗, Michelle好怕醫院啲消毒藥水味,上星期五、六(二十四、二十五日)嗌出院,但醫生唔批准。而家 Togi廿四小時喺醫院陪老婆,問到 Michelle嘅情況, Togi話:『 Very complicated, but well, what can we do?(情況好複雜,但我哋又可以點做?)』」知情者說。

到醫院探過司馬燕的吳麗珠表示對方胃口好好,有食粥、檸檬乾、豆腐花。但據了解,只能吃流質食物的她,已經吃不下嚥,只是無論她想吃什麼,大家會盡量配合,讓她過過口癮。

每一天都堅強面對的司馬燕,更不怕忌諱交代後事。「 Michelle想喺酒吧搞告別會,佢話大家嚟開開心心飲吓酒,好過哭哭啼啼。連想葬喺邊度都講埋,亦會賣晒國內啲物業,啲錢留俾兩個仔。」

司馬燕大仔吳澋滔(又名吳景滔)表示,媽咪的心願是想睇到他畢業。

丈夫 Togi一直在醫院照顧司馬燕,他透露太太只能吃流質食物。

司馬燕嫁予荷蘭籍丈夫 Togi後,先後誕下兩名現年 17歲的大仔吳澋滔和 14歲幼子吳澋耀,家人是她的精神支柱。



老公不離不棄守候在身邊,司馬燕公開答謝他,在微博留言:「謝謝老公的照顧、愛護和支持!」

年中司馬燕接受本刊訪問時,已經非常瘦弱,她說服用口服化療藥,令臉和手長出黑斑,人又變得容易疲倦,已經頭昏腦脹的她,仍不停鼓勵自己。「有啲人食維他命幾十年,我咪當自己食維他命。」

想睇到兒子畢業

本週一(二十七日),司馬燕大仔吳澋滔接受本刊訪問。

壹:壹週刊 吳:吳澋滔

壹:擔唔擔心媽咪?

吳:少少擔心,會支持佢。

壹:傳聞佢要打嗎啡。

吳:佢 OK,喺醫院唞緊。

壹:因為病情反覆,所以爹哋長時間留喺醫院?

吳:而家都未知情況。

壹:媽咪有乜嘢心願?係咪最想睇到你畢業?

吳:係!

雖然抱病在身,但司馬燕一直有盡母親責任。今年八月,細仔吳澋耀整親右腳腳趾公,她帶他去醫院睇骨科。

司馬燕早前特別和老公再影婚紗相,結婚多年,仍然十分恩愛。

今年三月,老公和兒子為她慶祝 51歲生日,當時她慶幸自己死過翻生。

司馬燕相信老公能好好照顧兒子,但仍決定將所有財產留給兩個仔。

司馬燕同兩個仔感情甚佳,一直是個好母親。

老公停工照顧

停工留守在醫院陪伴老婆的 Togi,被問到有關醫生的判斷如何時,亦難掩擔心。

「唔知點答!希望可以盡快出院。(太太好瘦?)佢瘦咗好多,比之前更瘦。我同兩個仔都擔心,不過我哋會以平常心同正面態度面對。佢只可以食流質食物,例如粥。」 Togi說。

好友周美鳳探完司馬燕後亦表示:「冇諗到佢(司馬燕)一連串問題走晒出嚟,我哋見佢兩隻手吊晒嘢,已經知乜事。但佢好樂觀,話煮到埋嚟就食。我覺得佢唔應該再開刀,身體太虛弱喇!」

司馬燕早前接受訪問,亦直言因為生活習慣,影響了身體。「我以前無酒不歡,三個朋友可以飲四支威士忌,每日又只係瞓四、五個鐘。」

八月時,司馬燕同闊太朋友逛街睇勞力士,當時她精神不錯。

司馬燕人緣甚佳,周美鳳、洪羅拔、肥媽、吳麗珠一直很關心她的病情。

希望走得舒服

賠了健康,司馬燕繼續奮戰到底,對於生命是否將到盡頭,她亦處之泰然,她曾說:「有日我真係走咗,爹哋都會 take care兩個仔,我當然希望睇到佢哋畢業、結婚、自己做奶奶,但唔到我去 plan。不如而家實際啲,同佢哋 share每分每秒,其實無論邊個人走咗, life都會 go on,世界唔會因為我而停頓,所以我唔會諗老公將來會唔會再識第二個女朋友,阿仔會唔會同黑妹拍拖,而家只要成個 family齊全就夠。阿仔眼中我係好媽咪,老公眼中我係好老婆,如果要走,我都無悔!我係一個 fighter(戰士),只希望到(走)時唔痛唔辛苦。」

年輕時,司馬燕曾走性感路線,身材非常惹火。

在無綫工作時,司馬燕曾拍古裝劇,扮相嬌俏。

靠嗎啡紓緩

有關是否癌症末期病人才用嗎啡止痛問題,據港大醫學院臨床腫瘤學系榮譽教授,岑信棠醫生( Dr. Sham Shun Tong, Jonathan)說:「慣常是嚴重的情況下才會用嗎啡止痛,如果同一個病者,身體有其他問題出現,例如膽管塞同腎功能衰退,咁係好嚴重。」

吳麗珠日前去探司馬燕,她表示:「司馬燕大部分時間都係休息,但都好清醒,精神好好,行得食得走得落得床,仲講得笑。」

連炎輝是司馬燕多年好友,他大讚:「佢(司馬燕)好正面,胃口好好,好多嘢都想食,積極面對。」

周美鳳說:「好衷心希望司馬燕過埋呢個難關,佢好勇敢咁面對,佢本身已經正能量爆棚。」

生命鬥士

司馬燕性格堅強、樂觀,即使被病魔折磨到得番 50磅,要靠嗎啡止痛,她仍咬緊牙關,勇敢地繼續走餘下的路,甚至構思在酒吧搞 party,與至愛親朋開心告別。

正能量示範,和已經離世的生命鬥士羅慧娟一樣,強!

羅慧娟

2012年 1月,羅慧娟傳出患上胰臟癌,並在新加坡就醫接受化療。病重時,她沒有放棄,積極與病魔搏鬥到最後一刻,在生命最後階段,她委託製作公司拍攝片長約半小時的見證短片,作為留給至親好友的紀念,羅慧娟在短片中細說信神以來的點滴,又向至親交代葬禮的布置。最終,羅慧娟於 2012年 6月 30日因胰臟癌離世,享年 45歲。

陳偉霖

天生患有皮膚癌的陳偉霖( William Outcast Chan),在 30歲時撰寫了《我的遺書》,除了舉辦生前喪禮,還在殯儀館搞音樂會,向大眾表達他對死亡的看法。 William認為人應該按自己意願行事,於是身體力行策劃屬於自己的葬禮,借此傳達自己最真一面外,亦想向大眾宣揚另一種愛惜生命的方式。患癌 30年的 William,樂觀面對人生,奇跡地活到今天。



鍾意就快D Share啦!