掃呢頁CODE去手機

2014年10月19日 星期日

驚《賭城2》入唔到大陸? 王晶狂發炮 講埋外國勢力 王晶,




【又係美國勢力】驚《賭城2》入唔到大陸? 王晶狂發炮 講埋外國勢力

2014-10-18 19:36:00



當時《賭城風雲1》喺內地大收,今次唔知會唔會都大收,定係大跌呢?

到底內地係咪封殺香港撐佔中藝人呢?就好似黃子華咁,噚日內地網瘋傳話因為佢撐佔中學生,故年底喺廣州舉行嘅跨年棟篤笑都過唔到審查,搞唔成。但子華助手噚晚接受本報訪問時,已否認傳聞。

咁開到聲反問點解政府唔可以袋住先、反而迫市民袋住先,更指今次搞成如此局面係政府過失嘅周潤發呢?前文已交代咗話有內地消息人士力證中央根本冇話要封殺發哥,而佢同杜汶澤等人合拍,王晶出品嘅《賭城風雲2》亦已經排咗喺內地賀歲檔上映。根本冇受影響。

但未知王晶到底係唔放心,定係近日佢終於忍唔係要反佔中,除咗宣佈unfriend疑似根本冇對方電話嘅何韻詩,仲有五六年冇合作嘅秋生,以及剛合作拍完《賭城2》嘅杜汶澤。唔需要質疑點解唔unfriend埋發哥,但凡此種種突兀而離奇之舉,總令人懷疑、或者猜測導演是否急於向內地表態,好讓《賭城2》安全落地——內地。總之,今日王晶繼續喺微博發功:

「日前發表了些由衷之言,引來不少人身攻擊,當然支持者更多。我從不怕人身攻擊,幾十年來電影圈輸給我的人躲起來對我攻擊還少嗎?人身攻擊只是失敗者的遮羞布,令我難受的是看見維護法紀的警隊,天天被佔領者包圍,辱罵,挑釁,但仍在人數多十倍的違法者面前無畏無俱,傲然屹立。支持警隊!嚴正執法!」

(有疑似香港網民反擊王晶只係識喺微博講假大空誤導網民)「你這種人根本就看不起內地人,他們電腦技術比香港強的多,真想看什麼都看到!醒吓啦,井底之蛙!」

(有疑似內地網民質疑王晶日日咁喺微博嗌咪係為咗方便佢部新片可以喺內地上映)「我原諒你的無知,我的電影93年開始就在全中國上映了。在金鐘自我澎漲的人最多也就幾萬,更多的人羣像我一樣,支持警察!」

「非常同意,敵人只有一個,就是搞亂全世界從中取利的美國人!」

「美國是把他們自己的價值觀貼上普世價值標籤去蒙人,他們插手的伊拉克敍利亞埃及巴勒斯坦都弄得民不聊生沒飯吃,你還敢説他們好?」

「知道昨天晚上旺角佔領者為他們自己爭取到什麼嗎?做生意會有人隨時坐在門前令他們做不了生意,子女會失去聯絡多天不知去了那個示威。上班下班會塞車八小時因為有人隨便堵路訴求,這叫教育,小孩很聰明,他們會學,也許警方受壓太久會集體辭職,警力薄弱,你們面對罪惡無人保護時就哭吧!後果很快會來。」

今日旺角商舖依然開門做生意,市民和平訴求,只要政府唔好臨近清晨就清場卻偽飾是「清除路障」,根本唔會出現噚晚警察亂棍亂噴即使記者已表明身份都給噴得成面胡椒噴霧嘅「旺角黑夜」。



可以打好多微博。(微博圖片)



(微博圖片)



鍾意就快D Share啦!