網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月2日 星期四

[FACE 384] 玩厭被撇  Ruby死纏人渣恒 趙頌茹:祝佢好運! Ruby,趙頌茹,劉伊靜,MF,




老公唔生性,阿 Yu惟有復出賺錢養兩個女,頭炮為美容院拍廣告,即大騷長腿吸客。

封面

玩厭被撇  Ruby死纏人渣恒 趙頌茹:祝佢好運!

上月因打傷老婆趙頌茹,被輕判守行為 18個月的 30歲「渣男」周永恒,執身彩唔使留案底,照計應該生性做人。法官俾晒機會,但周永恒唔識死,上週二( 23日)又發癲,跑去阿 Yu位於屯門的外家搞事,期間失控狂爆粗,更向外母吐口水,事後趙父報警,警方要出動盾牌拉走周永恒。

死性不改,阿 Yu對結婚 4年的賤男已經死心,反而小三 Ruby劉依靜即使俾人玩厭狠撇,仍然樂於死纏對方。一個願打一個願捱,難怪甩身阿 Yu大方讓愛,衷心同小三講句︰「祝佢好運囉!」

家暴偷食連衰兩樣,自認「人渣」的周永恒雖然口口聲聲喊住認錯,但人前人後兩個樣,毫無悔意的他,繼早前同小三 Ruby飛去新加坡風流快活後,上週又忽然發作,大鬧老婆趙頌茹娘家,完全冇挽救婚姻之意。

美容廣告係復出第一擊,所以阿 Yu要執靚自己,務求以最佳狀態見人。

撇甩賤老公,阿 Yu早前帶兩個女去廸士尼玩,順道慶祝大女信希 4歲生日。

周永恒上阿 Yu外家搞事,被捕後同記者表示:「個女生日,老婆都唔俾我見,仲報警,超開心!」《蘋果日報》圖片

27/9

Ruby週六( 27日)現身,對記者所有提問都唔回應。不過當記者問佢係咪已經同周永恒分手, Ruby則微微點頭示意。

病房食足 3餐

周永恒入院留醫,周母上週四( 25日)晚去醫院探望,見有記者即掩面。《蘋果日報》圖片

上週二( 23日),周永恒聲稱女兒生日想見面,衝上阿 Yu位於屯門的寓所要求見女,但期間表現失控,狂搖鐵閘喪爆粗,更向外母吐口水大嗌:「 X你老 X!開門!你哋害死我兩公婆。」

周永恒的癲喪行為令屋內冇人敢開門,兩個女兒亦被父親嚇呆,最後趙父更要報警求助。警方出動盾牌打算帶周永恒返青山警署,但佢嗌暈拒絕落口供,最後被送往屯門醫院留醫,週五( 26日)再轉到伊利沙伯醫院,現時仍然留在羈留病房受警方看管,據知報稱發燒又頭暈的周永恒,在病房非常好胃口,食少餐都嘈喧巴閉,護士都怕咗佢,暫定 10月 3日上庭受審。

Ruby失蹤 27日現身認分手

《蘋果日報》圖片

有讀者影到周永恒同 Ruby搭機鐵入機場,相信當時兩人預備去新加坡度假。

奶粉錢 10月湧住嚟

阿 Yu拍新廣告時,下巴明顯有 1.5吋長疤痕,陰功!

阿 Yu復出頭炮幫美容院做代言,話咁快搵到 6位數酬勞,不過養大一個小朋友要 400萬,𠵱家阿 Yu要養兩個,真係懶少少都唔掂,好在阿 Yu形象唔錯,單計 10月已經大把工作湧住嚟!

•「風雨蘭關注婦女性暴力協會」活動× 1

•服裝廣告× 1

•商場演出活動× 1

周母沒收電話

決意離婚,打算獨力湊大兩個女的阿 Yu,對周永恒已完全死心。反而小三 Ruby竟然對賤男唔肯放手,除了不斷滿足對方的奇怪性癖,早前亦孖住去新加坡度假 happy,又落力為佢搵工開,做足「經理人」本份!

女方無意斬纜,不過周永恒竟然嫌 Ruby小三身份曝光,以「唔係偷情唔刺激」為由,狠撇 Ruby,更絕到唔聽電話唔覆 WhatsApp,真正𡁻完鬆。據知周母亦不滿 Ruby搞到阿仔妻離子散,日前沒收了周永恒的電話,只在探病時俾佢篤兩篤,防止小三再次發功騷擾阿仔。

而事發一直潛水、失蹤 27日的 Ruby,上週六終於在其大窩口邨住所現身,晚上 6點,化行妝的 Ruby由屋企落樓,發現記者後兜路到天橋,記者問她是否仍和周永恒一齊, Ruby只搖一搖頭,對本刊的問題一概封口,之後便上的士離開。

上阿 Yu屋企搞事被捕,事後周永恒自稱頭暈拒絕落口供,結果被送往屯門羈留病房。《蘋果日報》圖片

Ruby同周永恒開設的「艾美模特」,早前仍有舉辦活動,周亦有同老婆阿 Yu一齊出席。但據公司註冊處顯示,「艾美模特」只得 Ruby一位股東,董事一欄亦冇周永恒,應該只係掛名老闆。《蘋果日報》圖片

又關 LuLu事?

「艾美模特」網頁中,「 model」一欄仍有「大埔 LuLu」董嘉儀,但 LuLu週一向本刊澄清:「我一年前同佢哋合作過啲活動,但冇簽過佢哋!可能佢哋網頁未 update啩!」

Yu:「唔想再提佢哋!」

網上流出疑似 Ruby淫照,相中人着住女僕制服,唔知周永恒係咪真係有特殊癖好呢?網上圖片

一度因婚變令體重跌至 90磅的阿 Yu,獲一間美容院支持,以 6位數請佢做代言人,上週四( 25日)廣告出街, Yu大騷長腿,努力賺錢養家。阿 Yu現時積極為 4歲信希及 2歲愛希搵學校,早前去過太古城及康山搵資料,打算為兩個女報讀國際學校,遠離悲情城市天水圍。

阿 Yu週一( 29日)接受本刊電話訪問,樂得同一對奸夫淫婦割蓆,她說︰「唔想再提佢哋!關於佢哋所有事,我唔想再講,( Ruby死纏周永恒喎?)咁祝佢好運囉!」

梁永鏗律師:最高刑罰監禁 5年

上次係因為佢自簽守行為 18個月,但再度騷擾太太,控方就可以提證供正式起訴,可能係判刑或者係社會服務令,但今次喺短期內犯同一罪行,刑罰就會加重,最高判罰係會監禁 5年,係要分兩條罪審理。

人渣下場? *人肉盾牌

佔中愈來愈激烈,警方出動胡椒噴霧同催淚彈攻擊市民,周永恒呢種人又厚面皮又百毒不侵,最好做人肉盾牌幫手擋噴霧!

*去日本拍 AV

被爆性慾強的周永恒,有老婆唔夠仲要包小三,又疑似喜愛打野戰玩制服誘惑,床上咁多花臣,最啱去日本拍 AV滿足自己!

*口水兜面噴

周永恒上阿 Yu外家搞事,仲衰到向外母吐口水極不敬!吐得咁過癮,應該叫外父外母兜面噴佢,當係幫女婿做保濕囉!

*監獄塞番梘

網傳周永恒有鋪「塞嘢」癮?係時候俾佢試下被塞滋味。唔係塞酒樽囉,如果入冊,隨時執番梘呀!



鍾意就快D Share啦!