網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月9日 星期四

[FACE 385] 翻生  11月開台 王維基玩全民公投 王維基,MF,




王維基諗盡辦法開台,但一男子處處刁難,如今被迫於網上啟播,但他說有信心廣告費同大台睇齊!

真面目

翻生  11月開台 王維基玩全民公投

香港市民撐傘抗暴警有腦又英勇,其實好多香港人都用不同方法跟 689鬥,總之冇咁易俾你玩死。

好似香港仔王維基搞免費電視台被香港政府玩謝,最近終於宣布 11月喺網上翻生再開台,王維基仲宣布用全民公投,市民自決睇邊套劇,總之唔使再硬食維穩 TBB膠劇。







去年全民撐港視發牌,如今王維基亦堅撐學生,除了在 fb開口話「請你到金鐘去了解年輕人」外,上周更暗落兩次金鐘撐學生。《蘋果日報》圖片

「雨傘運動」以來, TBB不停維穩愈睇愈令人火滾,亞視更加連提都嘥氣,電視只好用嚟打機或睇碟。

好在王維基決定 11月喺網上開台,每日 6點 upload兩套劇的最新集數, 11月初仲會搞網上公投決定睇邊套,香港市民終有得揀,周一( 6日)王維基在電話中說:「暫定 11月中會正式啟播,月頭就會搞個公投,等市民自己決定想睇邊套先,每日 6點就會 upload兩集新劇,之後會再放綜藝節目,至於新開(劇)就未有決定幾時播,希望可以改變香港人睇電視習慣。」問到會否再請幕後及藝員時,王維基則表示:「暫時想播晒手頭上啲劇先,暫時未有請人決定!」

王維基有大計,不過佢位忠臣艾威就少少潑冷水話:「我唔係太睇好囉!始終有啲複雜,(用電話都睇到嘅!)哦,咁喺個電視就睇到會好啲囉!」總算有新起步,俾啲耐性啦艾威哥!

港視藝員唔樂觀

維基終於開到台,但始終並非於電視播,收視難免差一截。雖然美棋 BB好開心話:「千辛萬苦先出到街!」但艾威則唔多樂觀喎!

艾威

我唔係太睇好囉!有啲複雜,始終喺電視睇到會好啲囉!

黃美棋

之前都幫港視拍咗啲宣傳片,今次真係千辛萬苦先出到街,我會即刻買小米。

麥子樂

聽到有得播呢個消息當然開心,但又唔敢太開心,因為之前經歷太多。雖然呢個播放方式好似有啲間接,但其實𠵱家好多人都係用小米或者 app煲劇,我希望佢哋都習慣咁睇我哋啲劇

有劇,梗係要睇

王維基未開台就搞全民投票,唔係有票梗係要,而係有劇梗係睇!俾你揀邊套打頭炮。港視大大話話拍咗近廿套劇,斷估跑出會係呢幾套。

《警界線》

主演:廖啟智、唐寧

喺網上試播第一集可以話好評如潮,究竟黑警係邊個?智叔係忠定奸?求吓你話我知

《驚異世紀》

主演:林嘉華、周俊偉

喺荒島發生嘅幾個靈異故事,上年齋睇預告片都嚇餐死,成套劇喺荒島實境拍攝,夠晒氣氛,你估大台打晒燈嗰啲區區有龍婆咩!

《四年 B班》

主演:一班小學生

小朋友一向係拍戲尅星,偏偏港視編劇走鋼線拍咗呢套《四年 B班》,仲記得上年成班小演員喺人民廣場喊晒咁要求發牌嘅感人場面,唔通等到變大人至睇咩!

《三面形醫》

主演:林文龍、姜大偉

以整容為題材嘅電視劇可以話開創咗香港電視台先河,隨時爆埋邊個明星整過容,所以港視一直冇乜透露劇情,係咪好想睇呢?

《惡毒老人同盟》

主演:姜大偉、元華

TBB永遠當甘草真係草,港視就搵姜大偉、元華、白彪、郭鋒等等資深演員嚟擔正,以喜劇形式講一班老人家反抗不公平現況,後生都啱睇,你都會老㗎!

《我阿媽係黑玫瑰》

主演:惠英紅、黃美棋

有影后惠英紅再拍電視劇擔正演黑玫瑰已經夠照啦,加埋美棋 BB,你俾個唔睇嘅理由我吖!

仲有咩劇?

《開腦儆探》

《來生不做香港人》

《第二人生》

《 Night Shift》

《導火新聞線》

《童話戀曲 201314》

《還來得及再愛你》

《歲月樓情》

《末日+5》

睇劇,唔一定用電視嘅!

港視喺 11月中會以 OTT( Over-The-Top)形式免費播放電視節目,咩係 OTT? OTT包含咗各種基於網際網絡嘅內容,即係話你只要有一部上到網嘅設備,幾乎都可以免費睇到。

裝機頂盒

現時多種外置視頻裝置,例如小米盒子,接駁電視再利用家用 wifi,載入港視 app就睇得。

寬頻上網

同平時用電腦上網一樣,入港視網址就可選擇睇劇,同 YouTube差唔多。

流動裝置

港視將會推出手機 app,無論 IOS定 Android機都睇到,即係現時流行的手機、平板電腦都冇問題,搭車煲劇話咁易。



鍾意就快D Share啦!