掃呢頁CODE去手機

2014年10月15日 星期三

[FACE 386 外地娛樂] 撇甩 RM  Gary:宋智孝人品好 智孝,Running Man,RM,宋智孝,MF,




上年至今,已來過香港 5次嘅 Gary,話香港 fans對佢好熱情,希望以後可以嚟多啲香港同港迷見面。

韓飯台

撇甩 RM  Gary:宋智孝人品好

韓國皇牌遊戲節目《 Running Man》( RM)播映超過 4年,至今仍然熱爆亞洲,上週 RM大軍殺入香港開見面會會港迷;而隊中皇牌主持 Gary(姜熙建)更撇甩大隊,自己另起爐灶,踩入九展開個人騷。

Gary雖然開騷忙到死,但騷後亦抽時間接受《 FACE》訪問,講到跟他來港擔任嘉賓的鄭仁, Gary大讚同對方合拍,但一提到「周一情侶」宋智孝,原本話收口唔答,但最後都忍唔住讚佢人品好。話晒懵智被唔少港男視為女神,讚多兩句都嫌少呀!







Gary老拍檔吉( Lessang隊友)早前捲入醉駕風波仍未能復出藝能活動,所以今次搵老友鄭仁做港騷嘉賓演出, Gary大讚鄭仁同佢好合拍。

1.今次港騷請拍檔鄭仁做嘉賓,感受如何?

因為同鄭仁合作已超過 10年, 2人一直有默契,所以好合拍,最重要係我同鄭仁一起表演,感覺特別有型,真係好多謝佢。

同鄭仁合唱嘅新歌〈單車〉,早於 8月尾上載 YouTube,至今點擊率剛過 71萬次,屬慢熱歌曲。

2.同鄭仁合唱新歌〈單車〉講情侶踩單車拍拖, Gary有冇踩單車的浪漫經驗?

因為一般道路上冇單車專用通道好危險,所以漢江係最好,而我最鍾意係蠶室鐵橋,因該處冇乜車經過,間中會停落嚟欣賞遠處嘅夕陽,紅色天空好漂亮,感覺好舒服,氣氛都好浪漫。

3. Gary認為宋智孝有乜魅力呀?

宋智孝人品好好,而且好誠實,係一個好識照顧成員嘅人,令人感覺好溫暖。

早前 Gary撇甩 RM隊友,單拖踩入九展開個人騷,吸引超過 3千港迷捧場。雖然 Gary戴住黑超扮 cool,但一樣 fing晒手腳跳舞,超 high。

來港當日,機場出現超過 100粉絲接 Gary機,雖然場面混亂,但 Gary依然幫粉絲簽名,好細心。

Gary同宋智孝呢對「周一情侶」,雖然好多粉絲都知道係假,但一直睇得好投入。

Gary話揀對象,唔介意國籍,最緊要夾,唔知開騷嗰晚被佢搭住膊頭嘅小儀,啱唔啱佢胃口呢?

4.香港女生同韓國女生有咩分別?會考慮同香港女生結婚嗎?

我覺得香港女仔同韓國女仔冇乜分別。至於愛情,國籍唔重要,最緊要性格合得來就 OK。

每次來港開騷都同 fans近距離接觸,而女粉絲又好熱情攬到 Gary實一實,令佢好開心。

5. Gary有冇說話答謝港迷支持?

香港 fans一直都表現得好歡迎我,而且充滿熱情地為我打氣,我真係好感謝。我愛你們!



鍾意就快D Share啦!