掃呢頁CODE去手機

2014年10月22日 星期三

[FACE - 387] 冇面畀 徐子珊個頭大 10倍 何超儀嬲爆拒宣傳 超儀,何超,徐子珊,子珊,何超儀,MF,




真面目

冇面畀 徐子珊個頭大 10倍 何超儀嬲爆拒宣傳

何超儀事隔 14年再拍電視劇《再戰明天》,又素顏又做監躉,演技大躍進,斟拍初期大台以女一角色氹掂超儀拍攝;點知大鑼大鼓只係虛聲,拍攝時已知出事,戲份竟遠不及徐子珊;而劇集出街前的宣傳品,徐子珊個頭仲大過何超 10倍,難怪最近新劇宣傳活動,何超連影都唔見。







《再戰明天》最初版宣傳品,徐子珊搶晒鏡,何超儀企到最側頭最細,唔講唔知係乜水。

劇組之後用另一張宣傳海報,超儀先企番較中間位置。

何超主演《第 7謊言》分別於巴塞隆拿國際電影節和美國費城獨立電影節獲獎,超儀咁忙,唔怪得做唔到新劇宣傳啦。

何超儀對上一次拍劇已經係 14年前嘅《創世紀 II天地有情》,之後一直拍電影, 11年憑《維多利亞壹號》做埋西班牙影后。今次再肯拍大台劇《再戰明天》實在難得,據聞全因前製作部戲劇製作總監梁家樹出面,去年底出力遊說何超儀,仲話同徐子珊戲份平起平坐,何超儀才答應演出。

「都冇理過邊個係女一」

但梁家樹今年初離開大台,同系的樂易玲亦開始失勢,雖然《再》由梁家樹愛徒林志華監製,但拍攝中途,有傳劇本突然更改,有人加重了徐子珊的戲份。

雖然如此,何超儀拍攝期間依然相當賣力,傳媒探班宣傳亦做到足,不過套劇臨近播出街之前,兩位「女主角」出現嚴重大細超,宣傳海報大頭是徐子珊和吳啟華,何超儀竟排到最後幾乎睇唔到。

劇組透露,雖然何超儀和其公司都沒有開口投訴,但之後宣傳活動都「未能配合」,監製馬上轉用另一款海報,可惜似乎未能平息何超怒火,宣傳活動仍然冇影。本週一( 20日),本刊致電何超儀,她平靜回應:「其實冇咩所謂,拍呢套劇主要因為角色吸引,好有發揮,都冇理過邊個係女一;至於宣傳方面, TVB一路都有搵我,但時間就唔到,去到都盡量去。」

初期宣傳何超儀仍好落力,跟足造型拎埋拐仗出席。

得悉大細超之後, 3月的宣傳活動何超已經冇影,只見吳啟華、徐子珊、朱千雪、王浩信等。

梁家樹(左)是大台戲劇部總監,何超儀當然信任,可惜他今年 2月已離巢,轉投邵氏電影任高級顧問。《忽然 1周》圖片

何超儀對上一次拍劇已是 14年前的《創世紀 II天地有情》,雖然戲份唔重,但拍到大劇何家淑女都唔介意。



鍾意就快D Share啦!