掃呢頁CODE去手機

2014年10月22日 星期三

[FACE - 387] 馬甲線 原來肥過㗎! 關心妍激變腹肌女鐵人 關心妍,MF,




呢個蹲腿動作本身已經需要好勁腳力,但為咗效果再好啲,關心妍加碼拎多兩個 4磅啞鈴,好有決心!

真面目

馬甲線 原來肥過㗎! 關心妍激變腹肌女鐵人

下月在九展舉行兩場演唱會的關心妍( Jade),近期積極操肌 keep fit,仲搵埋林珊珊男友、教過鄭伊健同古巨基的星級教練 Michael幫手,誓要操出靚 body挑戰性感歌衫。

最肥 125磅

03年的關心妍面圓圓,望落都算有肉地,所以成日要着長袖衫遮住肥肉。

喪操接近兩個月,關心妍已成功練成腹肌,更由早前 105磅體重減至 100磅,希望開騷前能達到 97磅完美身材。日操夜操,關心妍亦要節食配合,每日只能食枝豆、麥包或香蕉補充體力,慘在老公成日在面前狂隊零食,同事又日日大魚大肉玩引誘!咁大整蠱,最高峰試過 125磅嘅 Jade,真係少啲定力都做唔到腹肌女鐵人呀!

身高只得 5呎 4左右的關心妍,原來曾經肥過,體重竟然試過去到 125磅,明顯超標,「嗰陣應該係〈龐貝 21世紀〉之後,我當時真係好肥,不過可以着衫遮住啲鬼祟肉,所以你哋唔發覺咋!」

除咗腹肌,關心妍的手臂亦冇晒拜拜肉。

經過個幾兩個月訓練,關心妍已練出結實腹肌。

終極目標 97磅

個唱原本只開 11月 28日一場,但反應比預期中好,現已加開 29號場。

《蘋果日報》圖片

關心妍賣靚聲靠實力,不過做歌手始終唔可以走樣,所以 Jade下定決心操 fit自己。「有朋友介紹我搵 Michael(陳少松),我開始 train時係 112磅左右,後來最勁減到 95磅,減咗接近 20磅!今次演唱會比較好少少,因為我冇俾自己(體重)升得太多,我喺訓練前係 105磅,𠵱家 100磅,不過我終極目標係 97磅,希望開騷前做到」

玩性感透視

Jade早前化名「 C12」拍性感 MV,唱盡社會問題,估唔到出奇地受網友歡迎。

除了要保持標準體重, Jade又要做啞鈴、蹲腿等動作令身形更 firm,已苦練近 2個月的 Jade,着起 sport bra時已明顯見到有腹肌,雖然未係健美小姐咁大隻,起碼望落冇晒多餘脂肪,而且 non-stop做 gym時亦冇喘氣,狀態大 fit!

對上一個演唱會已經是兩年前的紅館《 Jade Sings》,今次關心妍講明唔只騷唱功,仲會有驚喜送俾觀眾!「有一 part係 for C12,呢部份比較性感少少,歌衫會好貼身,甚至有透視!而且今次會跳舞,但係我嘅跳舞天份麻麻,手腳又唔協調,如果你見到我喺台上跳得好協調,咁就係一大驚喜喇!」

Michael教過多個明星學生,對 Jade的訓練亦非常嚴格。

仲有 1個月先到個唱, Jade希望可以再減 3磅,同埋令線條更加 firm。

老公楊長智非常支持老婆開騷,但就唔肯陪節食,反而狂用薯片引誘 Jade!

《蘋果日報》圖片

全日餐單

Jade平日只食枝豆同麥包,如果當日要做 gym或排舞先可以食香蕉,陰功到呢!

•枝豆一袋

•麥包半片

•香蕉一隻

•烚蛋白/烚雞肉

•蒸魚一小塊

2014仲有乜騷?

除咗關心妍會開 2場九展騷,今年仲有唔少星會開個唱,當中最令人期待,梗係連南亞人都爭住撲飛嘅 Sammi跨年騷



鍾意就快D Share啦!