網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年10月22日 星期三

[FACE - 387] 受傷劇照當真相 胡烱龍真係當過差 胡烱龍,MF,




胡烱龍親身證明自己冇穿冇爛,成手成面血痕只是造型,佢話:「用嚟宣傳萬聖節我就唔介意,用嚟呃人就唔好」

爆 Like王

受傷劇照當真相 胡烱龍真係當過差

佔領運動持續近一個月,謠言更是天天都多,但有啲真係假到連笑都費事!

上週警方使用暴力有片有真相,但網上卻瘋傳一張身穿警察制服、滿面血痕的男子照片,聲稱有警員被打傷,連政府新聞統籌專員馮煒光都當真在 fb上載笑死人;事實上這張只不過是港視《 Night Shift》的劇照,相中人是港視演員胡烱龍。

但世事往往多巧合,原來胡烱龍喺大台同 HKTV做演員之前,真係當過差,更透露警員行動會受當時感受和判斷影響,籲雙方冷靜才有機會解決問題。







F:發現呢張相被人惡意利用之後

有乜反應?

胡烱龍在港視劇《 Night Shift》飾演警察,劇情需要化這個喪屍妝,休息時化妝師世哥替他拍了這張照片並放上 facebook,點知被人利用成抹黑和平示威的工具。

胡:嗰日一瞓醒收到好多人 sent俾我睇,我反應係點解張相會流咗出去?俾人用嚟炒作,成件事得啖笑!唔會好驚訝,大家冷靜啲睇就知係假㗎一個警察受傷得咁犀利,仲可以俾你影相咩,正常都入咗醫院好痛苦好多人冇望清楚咪信囉!我幾驚張相令呢個社會亂上加亂,如果我唔澄清,有啲人當真或者再攞嚟炒作,兩邊對立可能仲犀利。

F:點睇警方對佔領人士嘅做法?

胡烱龍(紅圈)曾在大台工作 12年,因為做過差人,演亦多數是警察,去年《飛虎》是他離巢前作品,他說:「監製想搵我拍《飛虎2》,港視冇問題㗎,係後來 TVB唔制之嘛!」

胡:其實我未入行前係警察,軍裝便裝都做過,做咗四年幾,嗰時為咗有份安定嘅工作啦,同埋想接受嗰 27個禮拜訓練,想學啲紀律,學完覺得自己成熟咗、穩重咗、 EQ高咗,因為執法時可能會受到啲挑釁,如果本身係容易燥底,咪一撻即着囉!我做嗰時警方唔黑暗,都係按章工作,唔會你冇犯法,我就去做啲嘢令你犯法。點解後來唔做?因為做演員至係我興趣。

F:會唔會撐警用武力?

兩年前轉投港視,胡烱龍(右)有機會做大反派,在《警界線》中演炸彈狂徒。

胡:嗰啲情況真係唔知,上司指揮係必須嘅,要睇當時情況、當時感受、個人判斷,最主要係大家冷靜,無論警察又好,佔中又好都要冷靜囉!𠵱家覺得難過囉,香港幾時可以變番以前嘅香港?我覺得應該有渠道俾市民訴求,至少諗一諗吖,唔好拒諸門外吖,應該和平解決囉!

F:張相係幫港視套《 Night Shift》曲線宣傳?

在《 Night Shift》中他與林文龍演警察,至於劇情如何發展到成面傷晒,胡烱龍就話不能劇透。

胡:其實影呢張相嘅原意真係幫公司宣傳,點知變到咁大件事,希望大家了解係美麗嘅誤會!希望《 Night Shift》快啲出街啦, remind到呢單新聞,大家睇番仲好啲!



鍾意就快D Share啦!