掃呢頁CODE去手機

2014年10月30日 星期四

[FACE - 388] 陳凱琳 NG都笑晒 凱琳,陳凱琳,MF,




同爸爸喺會所歎完午餐,陳凱琳完全素顏,但係 23歲青春無敵,冇化妝都唔失禮!

全知言

陳凱琳 NG都笑晒

以前啲港姐好矜貴,想拍劇隨時要等幾年先有機會,不過時移勢易,今時今日選完就嗱嗱聲開工,擺一年都嫌耐。

好似正為新劇《張保仔》開工嘅陳凱琳,當選一年已經拍咗 3部劇,雖然話今時今日港姐冠軍唔值錢,做新人又唔算有演技,但拍《張保仔》時,同場工作人員都好錫佢喎,做錯嘢唔只冇鬧,仲好耐心教佢做戲添, NG都唔鬧佢呀!

事隔兩日,全知言又喺九龍塘撞到佢同爸爸喺一間私人會所食完 lunch,然後就步行返屋企,雖然只係幾步路,但陳爸爸都開晒遮幫阿女遮太陽,陳凱琳真係天生多人錫呀!

期間有途人要求合照,陳凱琳笑晒應承,港姐係親民啲好!

雖然都有好幾次 NG,但係向來燥底的大台工作人員都無冇脾氣,反而仲好有心機教陳凱琳做戲!

當日都仲係 34度高溫,加上有大個太陽,林爸爸即刻開遮俾囡囡遮太陽。



鍾意就快D Share啦!