掃呢頁CODE去手機

2014年10月17日 星期五

安志杰呻同Jessica C.冇感情戲 安志杰,Jessica,Jessica C,




Jessica C.、安志杰及伍允龍孭飛的電影《屍城》已經上映,眾人在片中演出賣力。

next 1/1 pre

安志杰(左起)、Jessica C.、伍允龍

next 1/1 pre

三個都CHOK都飛起!

next 1/1 pre

Jessica C.在電影中不乏香艷鏡頭。

next 1/1 pre

安志杰在電影中爆晒肌打喪屍。

next 1/1 pre

伍允龍為電影做動作指導。

next 1/1 pre

由性感女星Jessica C.、安志杰(Andy)及伍允龍(Philip)孭飛的電影《屍城》,以港產片甚少拍攝的打喪屍為題材,加上眾人在片中演出賣力,JC愈打愈少布,不乏晒事業線的香艷鏡頭,Andy則騷爆肌,苦戰大批惡形惡相的喪屍,「一鎚一個」,官能刺激十足!

甚多追逐戲的JC出盡力應付動作戲,其中一場狂斬喪屍,更激動得缺氧險暈,問到有否受傷?她說:「唔係肉體受傷,係好攰,佢哋班男仔表現到好易咁,我就覺得好難!(想做打女?)都想!但仲有好多嘢學,先要學畀人打嘅節奏。」對於男主角Andy,JC表示兩人並肩作戰:「片中佢係唯一照顧我嘅人,佢係英雄!」獲讚英雄的怕醜仔Andy即臉紅,他亦對JC讚不絕口:「佢性感又酷,人又好善良!令身邊嘅人都好開心!但戲入面竟然冇感情線!好失望!」但他表示有跟另一女角袁嘉敏(Candy)錫錫補數,還被穿上SM裝的Candy鞭打:「不過佢太用力!整痛我!」向來愛打機的Andy直言片中狂打喪屍,猶如將遊戲搬到真實世界,感覺很爽!

身兼動作指導的Philip表示花了不少工夫設計打喪屍場面,希望創造非一般的「人屍撕殺戰」,對於好兄弟Andy的打鬥功力當然收貨,他亦讚JC的認真又捱得,有做打女潛質:「佢好努力,就算跑緊、做緊動作都會留意演技,最後佢淨着背心要濕水,好凍,但都冇怨言。(JC衣着咁性感,度招會好難?)唔難!放心!冇嘢飛出嚟!」



鍾意就快D Share啦!