網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月8日 星期六

[忽然1周 - 1006] 大女與好友同居 王敏德冇符 馬詩慧拒接受 王敏德,MW,




濕平有默契

日前, Kayla王曼喜與外籍女友 Lia到銅鑼灣宜家傢俬 shopping。 Lia拎住張購物清單, Kayla揀選家品亦不時諮詢女友意見,得到共識後才放入購物車。

娛樂喧

大女與好友同居 王敏德冇符 馬詩慧拒接受

近年不少星二代都踩入娛樂圈,王敏德 22歲的大女 Kayla王曼喜,亦步母親馬詩慧後塵,加入模特兒行列。

Kayla於今年初被踢爆與外籍女友 Lia夜蒲咀嘴後,公開承認女同志身份。放下心頭大石的她愛得更激烈,日前本刊更發現她孖住女友到銅鑼灣搜購家具及日常用品,已到達同居階段。

阿女離家生活,王敏德直認不諱,但馬詩慧堅稱是一場誤會,鬼佬爹哋的接受能力絕對高過媽咪。







王敏德與馬詩慧的大女 Kayla王曼喜,自小於鏡頭下成長,她的作風甚為洋化,曾多次拍得抽煙夜蒲。今年 2月她被傳媒拍下與女友 Lia於酒吧消遣後到西環碼頭促膝談情,情到濃時更攬實咀嘴,同性戀情隨即浮面。

之後 Kayla承認與 Lia拍拖半年,作為母親嘅馬詩慧還公開支持:「我接受到個女搵到個令佢開心同關心佢嘅人。」爸爸王敏德亦撐到出面:「我好 proud of囡囡勇敢出櫃,而作為爸爸一定會 support佢,佢哋又唔係做犯法嘢。」今年 6月, Kayla與父母及妹妹王麗嘉一同現身同志活動《一點粉紅 2014》,更獲明哥黃耀明支持說:「 You are not alone!」

Kayla於美國大學畢業後回港做模特兒,拍住媽咪馬詩慧出席活動搵真銀。

對於大女與女友同居,王敏德直認不諱。

明支持暗無奈

王敏德與馬詩慧表面上不介意 Kayla出櫃,暗地裏媽咪卻甚有意見。知情人士透露:「 Micheal(王敏德)喺外國長大半個鬼仔,對呢啲嘢易啲接受。媽咪 Janet就唔同喇,佢始終都係想囡囡嫁個好男人,兩母女仲鬧咗場交。最後由 Micheal做和事老。佢安慰 Janet話個女仲細,遲啲自然會鍾意番男仔。」

Kayla與 Lia現時愛得更癡纏。日前本刊拍到她們在銅鑼灣宜家傢俬濕平, Lia負責推購物車, Kayla則四圍走揀選家品。她們不時咬耳仔, Kayla試坐沙發時,甚至依偎在女友肩膀上。

繑到實

買完傢俬離開, Kayla繑實女友, Lia則負責拿戰利品,兩人在地鐵站分道揚鑣。

當日 Lia負責埋單,然後一齊核對收據,再到客戶服務櫃枱安排送貨。

愛巢戰利品

Kayla與 Lia當日買了不少家具,大件的安排送貨,細件的即時拎走。

夫婦唔夾口供

記者連日到王敏德位於渣甸山寓所等候,只見夫婦二人、二女王麗嘉及兒子王躍穎出入。至前周一( 10月 20日)記者終見 Kayla返回王宅,但不久再次外出。她等車期間遇見王敏德,最後由父親駕車送她離開。用了約 5分鐘車程,王敏德在同區某住宅放下女兒,再獨自駕車回家。記者上前採訪,王敏德直認女兒早已搬出。

王:王敏德 記:記者

記: Kayla同女友買傢俬,佢哋係咪同居?

王:係呀!佢搬咗出去

記:有冇反對過囡囡搬出去住?

王:冇呀!佢係大人,有呢個 relationship,搬出去都係由佢自己決定。

記:囡囡搬走咗會唔會掛住佢呀?

王:佢平時都有返嚟,香港咁細成日都會見到

王敏德似乎好睇得開,但媽咪馬詩慧就好有保留。她在電話中回應記者說:「嚴格嚟講唔算係搬出去住,佢只係幫朋友買傢俬。(但連日嚟都唔見佢喺屋企出入。)其實佢間唔中去朋友屋企 sleep over係真嘅。(但爹哋認咗阿女係同居。)一場誤會啫!」看來 Kayla仍未完全說服到媽咪!

父女偶遇

多日沒有在王宅出入的 Kayla,前周一( 10月 20日)終於返家,但逗留不久後再次外出,正當她等小巴之際,巧遇正在回家的王敏德。

王敏德做「柴可夫」,送女兒到只有 5分鐘車程的同區住宅。

仔女大晒

王敏德 92年與模特兒馬詩慧結婚,育有三名子女, 22歲大女王曼喜(右一)、 19歲二女王麗嘉、 15歲細仔王躍穎,一家五口感情要好。

男女都得有轉機

王曼喜年初宣布出櫃後,雖然父母表面上接受事實,但媽咪馬詩慧似乎都係想阿女做番個真女人。 Kayla接受訪問時曾指媽咪想抱孫,當知道她的性取向後表示震驚。

Kayla鬼妹仔性格,遺傳了母親的高䠷身材,不時自拍泳照上載交友網站。

Kayla曾多次被影到夜蒲煲煙,令母親馬詩慧甚為不滿。

《蘋果日報》圖片

今年初, Kayla被踢爆與 Lia夜蒲後,到西環碼頭談心咀嘴。

《蘋果日報》圖片

其實一切都仲有轉機,事關 Kayla自爆曾與異性拍拖:「我唔會講一定唔會再同男仔拍拖,之前我同過男仔拍拖,唔排除將來會再識男友,只係唔想刻意標籤。總之不分男女,想愛就去愛。」可見對於感情事, Kayla仍在摸索階段。



鍾意就快D Share啦!