全城熱爆的娛樂八封新聞 & 時事趣聞 & 生活 + 趣聞
講極唔明，真係勞氣！（設計對白）
冇錯，真愛……係冇分高度同背景嘅！不過好似呂方咁，冧掂高佢半個頭嘅內地「官二代」，泊到個咁好碼頭，之後就梗係乜都唔使做，過住退休式生活喇喂！
咩叫退休式生活？等呂方自己話你知。嗱，呢日佢晏晝出嚟幫架寶貝車補呔，一路補一路鬧啲車房員工，中氣真係十足！鬧完人見肚餓，佢就去咗間凍肉舖買扒。咦！睇嚟準備同「碼頭」，呀！唔係，係女友撐枱腳咁噃。當然話晒都年過半百，要冧女友，健碩嘅身體梗係唔少得！所以呂方最後一站就去咗做 gym，仲做足兩個鐘先至走人。嘆到呢！
整車師傅一路整，呂方就喺度一路鬧，雖然唔知佢鬧乜，不過年過半百嘅佢，真夠氣。鬧完人後，呂方依然氣沖沖，放鬆啲
整完車嘅呂方去到凍肉舖買餸，左揀右揀唔知係咪煮俾「碼頭」食呢？
