[忽然1周 - 1006] 老爺澳門賭廳揸旗 黃婉曼巴閉出嫁 黃婉曼,MW,

媽咪姐

老爺澳門賭廳揸旗　黃婉曼巴閉出嫁

媽咪姐見過唔少好姊妹嫁人，講真吖！如果新娘子雙手有兩對龍鳳鈪，都已經好有福氣㗎喇！若然好似黃婉曼咁，兩隻手戴滿十隻龍鳳鈪，頸上仲掛住兩揪足金金豬㖭，唔單止有福，直頭夠照

其他影片：>>豪掟 300萬完婚　黃婉曼決心為馮家添丁：生幾多？俾條數我！

黃婉曼巴閉出嫁，除咗老公馮柏基係馬主之外，佢老爺都超級猛料，原來係澳門金龍賭場股東。水頭固然相當充足媽咪姐就呢件事問過佢，佢話：「我只知道老爺做金融方面嘅生意，作為後輩，唔會特別去過問。而且我知道老公係勤力嘅會計師，咁先係最緊要！」老爺搞賭場，老公養馬仔，相信馮太下半生嘅日子絕不平淡。

黃婉曼周日（ 2日）喺洲際酒店出嫁，佢見到咁多親朋戚友俾面，唔覺意喊咗出嚟！

一對新人喺台上不停咀，黃婉曼仲肉緊到攬實老公條頸㖭！

𡃁妹李綺雯有份去飲，仲話黃婉曼好重手㖭！

黎燕珊去飲之餘，仲俾咗「清宮生仔秘方」新娘子，希望佢快啲生 B。

鍾意就快D Share啦！

下一篇 》