掃呢頁CODE去手機

2014年11月8日 星期六

[忽然1周 - 1006] 不滿大細超捧鄭俊弘 許廷鏗拉隊過檔簽 Paco 鄭俊弘,黃柏高,Paco,許廷鏗,MW,




娛樂喧

不滿大細超捧鄭俊弘 許廷鏗拉隊過檔簽 Paco

大台近排出現離巢潮,花旦小生走得就走,想不到連大台旗下的附屬唱片公司「星夢娛樂」亦難逃厄運。由何哲圖( Herman)帶領的星夢娛樂,原先一直以巨聲幫的許廷鏗為一哥,但自從 Herman老婆余詠珊的愛將鄭俊弘加入後,公司便將所有資源投放在鄭俊弘身上,開騷出碟拍劇接踵而來,星路可謂扶搖直上。

本刊收到消息,遭冷待的許廷鏗近日終於死心,決定拉埋死黨胡鴻鈞過檔黃柏高( Paco)旗下太陽娛樂。大台高層近年用人唯親,難怪人才不斷流失。

升上神枱

鄭俊弘識得泊碼頭,有大老闆 Herman照住,迫走師兄許廷鏗和胡鴻鈞,一哥之位坐定粒六。

《超級巨聲》出身的許廷鏗,一直被 Herman視為力捧對象,出道半年,已先後推出兩張個人大碟。其後,他更橫掃 11年度香港樂壇四大頒獎禮的新人獎,成績驕人。兩年後許廷鏗跟隨 Herman轉約到新公司星夢娛樂,據知當時 Herman曾對他開出很多條件。

「當初 Alfred(許廷鏗)跟 Herman過星夢,係因為 Herman落足嘴頭,又話公司本身冇乜大星,只要 Alfred入去就坐硬一哥位,又話公司會放好多資源喺佢身上,包括每年至少開一次騷、出三張大碟,同埋幫佢爭取各大頒獎禮獎項等等,結果依家全部得個講字!」知情人說。

而胡鴻鈞之前〈化碟〉一曲亦大獲好評,可惜亦遭公司冷待,一直沒有機會發圍。

鄭俊弘要風得風

偏心有前科

其實 Herman「大細超」早有前科,早前就因為偏心鍾嘉欣,而令陳法拉和鄭欣宜先後離開。

反之,自鄭俊弘去年 11月加入星夢娛樂後, Herman便將所有資源投放在他身上,為一個出道未夠一年的無名小卒在九展開個唱、出個人大碟,更為鄭俊弘接拍大台台慶重頭劇《老表,你好 hea!》及《名門暗戰》等,同時安排他擔任《勁歌金曲》主持。鄭在公司頓成風頭躉,難怪惹來同門師兄弟許廷鏗和胡鴻鈞不滿,畢竟論經驗及在公司資歷,兩人均較鄭俊弘優勝!

帶挈老死

出道五年的許廷鏗,歌路和形象向來深受師奶歌迷歡迎,不少唱片公司早已「吼實」他,而向來喜歡人棄我取的「太陽娛樂」黃柏高,得知許廷鏗快將約滿星夢娛樂,早前便力邀他過檔。據知情人士說﹕「 Paco已經唔係第一次搵 Alfred,不過 Alfred覺得做人應該飲水思源,但今次眼見老闆對自己不聞不問,先真正死心,答應 Paco過檔。佢仲同 Paco開條件,話要帶埋死黨 Hubert(胡鴻鈞)一齊走,唔想佢做孤兒仔。」

帶挈兄弟

許廷鏗和胡鴻鈞 friend過打 band,據知今次許廷鏗過檔,其中一個條件就是要帶埋這位好兄弟,買一送一咁款。

樂小姐搭橋

許廷鏗一向甚得樂易玲歡心,有指樂小姐一知道 Alfred有意離開,立即為他搭路,向黃柏高( Paco)力薦。

未敢回應

上周六( 1日)許廷鏗孖林欣彤出席馬場活動時,被問到是否有意過檔,他表現避忌,表示不便回應太多。

許廷鏗鄭俊弘 收入差兩倍

鄭俊弘今年除了圓出碟和個唱夢外,他的身價亦隨着人氣三級跳,收入足足比師兄許廷鏗多兩倍。



鍾意就快D Share啦!