[忽然1周 - 1007] 黃𨥈瑩輕鬆啲啦！ 黃𨥈瑩,MW,

黃𨥈瑩見到媽咪姐，好似小學生見到老師咁，梗晒！

媽咪姐

黃𨥈瑩輕鬆啲

出年踏入 40歲嘅黃𨥈瑩，冇見一排依然咁靚，皮膚似 29，「美魔女」稱號真係當之無愧呀！周三（ 12日）呢日，貪靚嘅媽咪姐去咗美容展睇下有乜好嘢啦，又會咁蹺撞到黃𨥈瑩喎。

佢同媽咪姐講識咗輝哥張兆輝十幾年，依家幫佢間美容院做下代言，少咗喺幕前出現，唔多慣要影相。但係近睇佢啲皮膚，好有彈性兼光澤，睇嚟真係同做得多 facial有關，佢話：「做女人唔可以懶，只有懶嘅女人，冇醜嘅女人。」所以話呢，女人真係要 keep，冇講錯㗎！

雖然已經退出幕前，但黃𨥈瑩仲有唔少女 fans爭住合照。睇佢啲皮膚 keep得咁靚，絕對係中女偶像呀！

黃𨥈瑩係 94年嘅「最上鏡小姐」。入行冇耐，就同古天樂拍《餐餐有宋家》撻着。睇番佢廿年前個樣，同依家冇乜點變，連表情都好似，一樣咁緊張。

鍾意就快D Share啦！

下一篇 》