熱爆娛樂: [忽然1周 - 1008] 謝婷婷分手「胸」兆謝婷婷,婷婷,BKD

2014年11月21日星期五

既然甩拖，戰鬥格搵過個都正常嘅。婷婷呢吓晒胸，真係全場最性感，如果拎走頸上條巾，仲 perfect。

周二（ 18日）晚，意大利品牌 Prada搞咗個珍藏展，媽咪姐自認 fashion sense唔差，又有靚太李嘉欣同韓星孔孝真睇，梗係去湊熱鬧

謝婷婷之前仲講緊非 Sean不嫁，拍咗一年拖，忽然公布已經分手，戲劇到吖。佢仲自爆同 Sean搞亂咗 best friend同情人嘅關係，冇咗嗰份浪漫，分手嗰陣傾到喊。

去到現場，嘩！平時好貴氣嘅鞏俐，着咗件透視肉背嘅晚裝出現，佢啲鑽飾仲閃到𥋇親媽咪姐對眼。而啱啱同男友 Sean分手嘅謝婷婷，着咗條真空騷半球嘅裙，媽咪姐都驚佢走光呀。雖然情場失意，但呢身打扮就輕易贏晒班前輩，算係攞番個彩

鞏俐套鑽飾真係好養眼，但係件晚裝好「騎呢」，衫袖縮咗上去，要加條魚絲繑住手指。依家天氣咁乾，小心𠝹親喎！

睇埋鞏俐嘅肉背，加埋戴住個白色 bra，真係好有肉地。

嘉欣話嚟緊會同家人去滑雪，唔只一家三口喎！咦？咁講唔通有暗示？

李嘉欣條裙睇落好鬆身，疑似有孕，上樓梯仲要搵三個人扶住行。

拍過《沒關係，是愛情啊》嘅孔孝真都嚟咗。平時收埋紋身嘅佢，呢晚大解放，着住黑色 see thought有少女味得嚟，又睇晒佢左手臂紋身。果然係韓國嘅「時尚女王」。

鍾意就快D Share啦！