2014年11月21日 星期五

[忽然1周 - 1008] 綾瀨遙 巨峰 F變 G 綾瀨遙,MW,




上身看似密實,但好戲在後頭,唔覺唔覺嘅半月誘惑,頂得住冇?

亞熱帶

綾瀨遙 巨峰 F變 G

日本有「童顏巨乳」稱號嘅綾瀨遙,可能有一年冇拍劇關係,所以今次回歸擔正嘅秋季日劇《今天不上班》,喺一眾瀛男索女包圍下,依然可以突圍而出,連續 4個禮拜以 17.4%高踞收視冠軍寶座。唔到你唔服。

唔經唔覺,綾瀨遙就快踏入 30大關,為咗趕在千禧年留下最後身影,早排佢去咗意大利威尼斯拍攝寫真集《 MOMENTO》。嘩,寫真集入面嘅綾瀨遙,着底褲露 pat pat之餘,更發現佢對巨峰由 F cup晉升到 G cup。認真誇張。

新寫真集入面嘅綾瀨遙,完全符合「天使面孔、魔鬼身材」稱號,受男生歡迎絕對合情合理。今年 6月,日本網站「 MY NAVI WOMAN」,針對女網友進行「理想美胸」問卷調查。綾瀨遙嘅「 F cup」以大比數奪冠,女網友冇妒忌不特止,反而大讚:「下一世要做綾瀨遙」、亦有「綾瀨遙胸部雖大,但形狀卻很漂亮」,講到咁,就知佢對巨咪幾受歡迎﹗

綾瀨遙今次喺新劇《今天不上班》,飾演 30歲、從未拍過拖嘅老處女,點知喺 30歲當日,俾佢遇到 21歲嘅白領仔福士蒼汰,發晒花痴嘅綾瀨遙即晚同人上牀。劇情發展落去,綾瀨遙一係唔開齋,一開齋又多個玉木宏,之後係點?唔想劇透太多,費事冇癮。總之係綾瀨遙一出手,連姣王澤尻英龍華同深田恭子都要跪低。

現已貴為「日劇一姐」嘅綾瀨遙,早前俾人翻舊帳,發現佢出道冇耐,參加一個減肥節目,原來有個大肚腩,同依家嘅性感真係相距十萬九千里。佢又不諱言自己屬於易肥體質,即係俗語「飲啖水都會肥」,所以影響到演藝事業發展,曾經為減肥失敗搞到情緒好差,差到想唔撈㖭﹗好彩最後佢堅持到,如果唔係,仲邊有今日嘅綾瀨遙喎!

好多女藝人為擴高「峰」而僭建,但綾瀨遙完全唔靠托、唔使夾,一對 35G就似一對 8磅保齡球掛喺胸前,冇番咁上下腰力都承受唔到,夠晒勁揪呀!

綾瀨遙早前被人揭出未紅時,喺減肥節目出現。睇番當時穿比堅尼上陣嘅佢,面肥肚腩凸,同依家玲瓏浮凸相差甚大。

綾瀨遙主演《螢之光》時,身材比較瘦削,所以演起干物女,真係入型入格,令人氣倍升。

綾喺新劇《今天不上班》飾演 30歲老處女,之後同 21歲福士蒼汰(右)發生姐弟戀。

綾瀨遙從來唔會「恃乳行兇」,相反不時都會包到冚,吊人胃口,尤其宅男對其噴血身材更充滿遐想。

第一集就出現牀上戲,可惜冇料到,雖然觀眾嗌搵笨,但收視飆升。

西島秀俊

綾瀨遙出道咁耐,緋聞都唔少,傳得㷫烚烚就係因拍《仁醫》而撻着嘅大澤隆夫,但冇耐玩完,最近新鮮熱辣嘅係大佢 14年嘅西島秀俊。

巨咪進化史

綾瀨遙出道時,雖已擁有「巨乳」,事實上都只係 34D左右,但幾年落嚟,佢對咪竟然日漸增長,最近更晉升到 35G。佢真係點做到嘅呢?

03年 34D

05年 35D

09年 35E

14年 35G



鍾意就快D Share啦!
Related Posts Plugin for WordPress, Blogger...