掃呢頁CODE去手機

2014年11月21日 星期五

[忽然1周 - 1008] 劉華兩歲女換牀 慳家朱麗倩 IKEA搞掂 朱麗倩,劉德華,劉華,MW,




娛樂喧

劉華兩歲女換牀 慳家朱麗倩 IKEA搞掂

自兩年前生下女兒劉向蕙後,劉德華兩公婆都希望趕及「尾班車」追多個仔。劉華為爭取時間造人,就算歌迷希望佢再登紅館開騷,他都推掉。今年初歌迷聚會上,他自爆:「你哋(開演唱會嘅)希望唔成,佢(朱麗倩)始終都 48(歲),呢兩年想努力造人……」

最近朱麗倩屢傳再懷第二胎,不過劉華一直否認。早前本刊發現腹部微隆的朱麗倩,帶埋保鑣到平民傢俬店 IKEA掃貨,此行她專攻女仔房的寢具及傢俬,更即時落單,「平民特首」劉華個寶貝女真係咁平民。







自朱麗倩產女後,劉華為保護太太同女兒劉向蕙( Hanna)免受騷擾,先改裝兩億加多利山的相連獨立屋,去年更將父親千五呎的加多利山單位轉到太太名下,劉華亦在大馬買了多間獨立屋給太太打骰。

雖然揸住幾億物業,不過朱麗倩一向慳家。曾被拍到去日本城買一排三盒裝特價 12蚊抽濕器的她,亦愛到平民服裝店 Uniqlo買衫。近日為寶貝女添置家具,朱麗倩都堅持買平民貨。

「朱麗倩喺馬來西亞長大,一直都好樸素。佢唔想 Hanna細細個就一身名牌,所以同個女買嘅用品,都係質地好嘅平民貨色。 Hanna都兩歲半大,瞓開張牀唔夠大,要轉牀。加上就嚟返 K1,玩具同圖書開始愈嚟愈多。朱麗倩索性同個女間房換過批傢俬,買個大啲嘅櫃。兩人近日都開始為 Hanna揀學校,劉華想個女讀傳統學校,但朱麗倩就想讀國際學校多啲,依家仲未有共識。」知情者說。

急腳疾走

急腳疾走

保鑣跟身

朱麗倩不時低聲和身邊朋友交談。她身後的白衣男,是其中一名便衣保鑣。

腹部微隆

側身睇,朱麗倩腹部微隆,難怪一直有傳聞指她懷有第二胎。

朱麗倩出名慳家,不時被發現掃平貨,曾被發現到日本城買 12蚊的抽濕器。

IKEA雖然是平民之選,但亦有不少星級捧場客,陳慧琳及陳豪都去過 IKEA購物。

專攻大牀被鋪

當日晚上 9時,戴住口罩、身穿闊身白衫的朱麗倩與女友人及一名便衣保鑣現身 Mega Box的 IKEA。甫入店,朱麗倩已經十分避忌,急步走到兒童傢俬部,保鑣則尾隨老闆娘。

朱麗倩走到兒童睡房示範單位時,終於停下腳步。她對粉紅色的牀單及衣櫃都甚喜歡。一直雙手插袋的她,即時用手摸清楚牀單質地,然後再打開牀頭櫃仔細打量。與友人密斟一輪後,朱麗倩轉攻兒童家品部,在色彩繽紛的牀單、相架及掛牆吊燈中穿梭,看得出她甚感興趣。

逛了近半小時,她便與友人到購買處落單。其間朱麗倩十分戒備,不時周圍望,匆匆落單後,就在保鑣的掩護下離開。

老公劉華凡事低調,難怪朱麗倩為小向蕙揀寢具,都揀得小心,閃得勁快!

倒模公主房

劉向蕙已經兩歲半,所以朱麗倩急於為她換牀。朱麗倩睇中的睡牀設計簡約,只售 1,190元,相當抵用。牆上的花燈,亦是朱麗倩的心水,三盞合共都是三百蚊有找。

手稿講湊女

一向口密的劉華,去年都試過忍唔住喜悅心情,在歌迷會網頁上,刊登了親自撰文的湊女手稿。不過,手稿在數星期後隨即被刪除。

親自換片

劉華自爆由首周開始,已經親自為女兒沖涼、換片、餵奶,化身廿四孝父親。

改變自己

為了湊女,有「牛華」之稱的劉華,嘗試放下工作,學習專心及有耐性地照顧愛女。

默認追仔

劉華多次被問及會否追個「好」字,他未有否認,更謂要睇命數,似乎默認追仔。



鍾意就快D Share啦!