[忽然1周 - 1008] 翻拍槍擊案 智叔為女縫下體 MW,

悲情陰陽人

化身陰陽人嘅廖啟智因為喺鄉下慘遭變態佬強姦，生咗阿女趙哲妤。呢個造型，好重口味啫。

媽咪姐

翻拍槍擊案　智叔為女縫下體

膽生毛嘅媽咪姐，平時最鍾意睇啲驚慄靈異節目，有線最近播出嘅重頭劇《大凶捕》，將歷年發生嘅轟動命案分成 10個單元搬上熒幕，搵咗廖啟智、王喜、陳彥行、周家怡等去拍，有睇頭呀！嗱，好似「啟晴邨槍擊案」相信大家都印象深刻，本來有線想搵槍手個女李悅彤（ Liddy，即係彭順嘅前小三）演出，但遭到講明唔想大家再喺佢傷口灑鹽嘅 Liddy拒絕咗。

其他影片：>>蘇錦樑撐王維基　智叔話：唔好畏首畏尾

監製最後將劇本重新編寫，搵嚟趙哲妤（ Uny）飾演小三角色，而廖啟智就做佢阿爸，係一個有精神病嘅陰陽人，為咗令個女接受自己，仲不惜自縫下體！嘩，真係聽到都打冷震。

為咗帶俾囡囡父愛，智叔喺戲中剪短髮，縫下體。噢！

首次同智叔合作嘅趙哲妤話:「智叔係演技派，初頭都好驚自己做得唔夠好，多得佢教我點投入角色。」

為尊重死者，智叔喺劇中唔會開槍，係用刀割喉自殺，但睇到地下啲血字都好驚囉！

趙哲妤扮 Liddy

智叔為咗令個女唔再貪慕虛榮，死後上咗佢身用𠝹刀毀容。

頂替 Liddy嘅趙哲妤，劇中為咗喺娛圈上位不惜做小三，又聲淚俱下開記招，將阿爸（智叔）係陰陽人及遭強姦等秘密公開。

LIDDY拒拍陪家人

啱啱過咗 27歲嘅 Liddy，唔拍有線劇，但就幫有線拍旅遊特輯《帶阿媽去旅行》，重新出發。信佛嘅李媽媽仲話已經原諒彭順，叫個女一切隨緣。而 Liddy自稱睇化，「媽咪係我人生最重要嘅人，我將啲愛俾晒佢。」阿女，係先好講呀！

今年生日， Liddy收咗幾個蛋糕，但正日生日就選擇同屋企人過。

鍾意就快D Share啦！

下一篇 》