掃呢頁CODE去手機

2014年11月28日 星期五

[忽然1周 - 1009] 嗒花旦名媛黐男公關 爆肌魏焌皓男女通吃 MW,





6/7送花冧唐貝詩

今年 7月,唐貝詩開 P慶祝 26歲生日,當時已與其他𡃁模有一手的魏焌皓,單拖出席兼送花俾壽星女。

滾熱辣

嗒花旦名媛黐男公關 爆肌魏焌皓男女通吃

繼羅仲謙後,另一備受大台力捧的「大隻仔」魏焌皓,最近被指一腳踏兩船,偷嗒𡃁模黃榕及𡃁妹(李綺雯),之後𡁻完鬆,男方更因拒認風流帳與黃榕展開罵戰。

外表純情的魏焌皓,憑 40吋胸肌及油腔滑調,兩年內速食 15𡃁模、花旦,集郵名單拍得住陳冠希。

本刊發現他一個月內連嗒黃榕、蔡思貝、唐貝詩、趙哲妤、𡃁妹,更電埋綠魔及鄭紹康為他𢱑job。家住公屋的魏焌皓雖然冇財,但憑好身材一樣男女通殺。被用完即棄的黃榕,㷫爆鬧佢花心︰「佢仲賤過 Edison(陳冠希)!」至於綠魔則讚他「口技超凡」。看來,魏焌皓真是有獨特的過人之處。









去年在《 On Call 36小時》演殘障少年「一康」的魏焌皓,其苦情、正氣形象深入民心,人氣急升,無綫亦安排他劇接劇。今年拍了 8部劇的他,雖非主角,但曝光率甚高。在即將播出的《醋娘子》中,佔戲亦不少。

外表斯文,內裏 open的他,深知自己有副最強 body,頻頻利用這副架生獵女。公屋出身的魏焌皓,睇得吹得扮嘢得,一身結實肌肉,加上「怕醜仔」糖衣,𡃁模、花旦齊齊中招,連男公關都招架唔住,話咁易成為新一代免費食家。

今年 25歲的魏焌皓,身高 5呎 11,由於他沉迷操肌,故練得一身肌肉,更不時在 instagram上晒剝衫相,迷倒一眾少男少女。

藝員訓練班入行的魏焌皓,初期專做大茄,直至前年在《 On Call 36小時》飾演馬明細佬,才開始有人識。現時為大台親生仔的他,一劇接一劇。

攝位冧蔡思貝

羅仲謙溝掂視后楊怡上位,魏焌皓亦有樣學樣,玩厭𡃁模,開始挑戰難度較高的花旦仔。最近他已順利與新一代花旦如蔡思貝、朱晨麗、歐陽巧瑩等打成一片,更頻頻約會、睇戲兼唱 K。早前,魏焌皓與蔡思貝、朱晨麗等唱 K時,蔡更親熱瞓男方大髀,可見情非泛泛。

「蔡思貝鍾意大隻仔㗎!佢之前想硬撬羅仲謙,不過楊怡睇得咁緊,佢冇得鬥。而 Nathan(魏焌皓)同樣大隻靚仔,所以咪俾佢入到位囉。嗰日唱 K,佢兩個黐得好埋,仲唱晒情歌㖭! Nathan對女仔好溫柔,朱晨麗都嗒佢糖㗎。」

蔡思貝瞓大髀

魏焌皓與蔡思貝早前約埋唱 K,女方當時更成個頭瞓落男方大髀影相。事後有人將這張煙韌相放上 instagram,但隨即刪去,無私顯見私。

一腳踏四船

魏焌皓的獵女目標近年亦開始升呢,由𡃁模轉戰花旦、甚至名媛。本刊發現他個多月就換畫,同時一腳踏幾船,有些更非拍拖,只是透過網聊玩一夜情,非常隨便。冧女快手的他,撇女更有一手,就是玩失蹤。

上月,𡃁模黃榕就中招,被花心仔狠撇。但其實 9月黃榕上男方家過夜時,魏焌皓已暗揸五條 queen。

9月 15日下午二時許,本刊發現黃榕一臉疲態,出現在魏焌皓牛頭角公屋寓所樓下,原來前一晚,兩人在男方公屋過夜。之後黃到便利店買了點東西,然後與魏焌皓前後腳出席當晚電影《男人唔可以窮》首映,有傳當時兩人已經因為魏焌皓契妹(莊端兒)介入兩人感情,令他們頻吵大鑊。

18/10連體談心


在趙哲妤生日 P上,魏焌皓全程黐實唐貝詩,而鬼妹仔性格的唐亦來者不拒,二人坐埋一邊談心,更不時頭貼頭。

記者事後就此事問過唐,她否認和魏有關係,「佢冇追我,而我對佢私生活就完全唔認識!」

18/9與𡃁妹撐枱腳

本刊早於 9月中,便拍得二人在男方牛頭角寓所樓下的茶餐廳撐枱腳。事後𡃁妹李綺雯說:「只係一齊食嘢,佢唔花心,如果一齊,我諗我要後生十年。」

攬實示威

今年 4月魏焌皓生日,𡃁妹忽然放了一張男方攬實自己的相上 instagram,擺明宣示主權。

冧男公關𢱑撈

唔止溝女,原來魏焌皓恃住自己身形,不時出招冧男公關,博取工作機會。據知主辦不少大型活動的天機 PR公司高層鄭紹康,亦是魏的目標之一。

升呢做嘉賓


《蘋果日報》圖片
前年 9月,還未有知名度的魏焌皓,於某男公關安排下可以與 Neway新抱諸葛梓岐擔任活動嘉賓。據知諸葛當時藐爆魏之餘,事後更就此事質問過相關主辦單位。

茶餐廳撐枱

不過,其實第三者陸續有來。事隔三天, 9月 18日,魏焌皓已約會新獵物𡃁妹(李綺雯)食晏。魏焌皓仲鬼咁大支嘢,要𡃁妹在茶餐廳等足個多小時才現身,可見是女緊男唔緊。兩人短敍個多小時,就分道揚鑣。「佢兩個喺酒吧識,嗰晚佢哋已經飲到好 high,仲旁若無人咁打晒茄輪,不過𡃁妹心態都係拍吓散拖。」知情者說。

溝得掂𡃁模,魏焌皓再向名媛唐貝詩及趙哲妤( Uny)埋手。 10月 18日晚,趙哲妤在尖沙嘴的串燒餐廳開生日會,魏焌皓乃座上客,據知所有來賓都要交千元入場費,但魏卻得到豁免。

趙哲妤手拖手

魏焌皓出席完趙哲妤生日會時,兩人親熱拖手。睇趙哲妤個樣,魏對冧姐姐確有一手。

頭貼頭密斟

當晚主人家趙哲妤更熱情拉住佢暢飲,之後趙忙於應酬賓客,但魏焌皓亦不愁寂寞,與經常一齊蒲的唐貝詩匿埋一角密斟,仲愈黐愈埋,最後頭貼頭,喁喁細語。據知魏是透過唐貝詩與趙哲妤認識,魏焌皓睇中趙哲妤人脈甚廣,於是向人大獻殷勤兼放電,女方亦差點中招。不過,後來黃榕痛斥賤男𡁻完鬆後,趙哲妤當然與魏焌皓劃清界線了。

除了向姐姐妹妹發動攻勢外,魏焌皓冧男公關亦有一手,綠魔及鄭紹康亦被佢電暈,為他𢱑贊助,鋪橋搭路搵 job。

歐陽巧瑩黐手

魏焌皓無時無刻發電,電暈唔少同事,落選港姐歐陽巧瑩也被他電親,捉住手影相。

收𡃁模做契妹

魏焌皓更雜食唔少知名度一般的𡃁模(如莊端兒),收她們做契妹,經常借意親近她們。

綠魔讚口技超凡

記者求證綠魔,佢亦大讚魏焌皓「口技超凡」,是個不折不扣的醒目仔,不過亦慨嘆唔知佢邊句真邊句假。他說:「做呢行好講人緣,佢如果可以咁 charming男女通吃,我都覺得係件好事。佢同男公關好熟,所以經常可以搭到一線明星出席活動。佢把口好得,口技超凡,不過我唔知佢講嘅係咪全部都係真心話。」

綠魔讚魏焌皓把口𠺘過油,但被狠撇的舊愛黃榕提起花心男卻一肚火。

她說︰「身邊有好多人同我講過佢好花心,自己冇親眼睇到,但你啱啱俾咁多相我睇,都覺得好震撼。呢幾年識親嘅男仔都係好花心,可能靚仔都一定係花心,自己遇人不淑冇辦法!(綠魔暗寸佢男女通吃喎!)吓!我真係接受唔到。」

綠魔:佢口技了得

形象指導 Karl(綠魔)原來也聽聞過魏焌皓男女通殺,他說:「佢口技仲好了得。」

收溝女名單失蹤

對於集郵風流賬,魏焌皓死口唔認,更斬釘截鐵拒認與黃榕發生關係,演技一流。

談到被指酒吧咀黃榕及𡃁妹,他辯稱︰「我諗……應該係角度問題,我哋都係朋友,可能都會一班 friend出去飲酒,有時飲多兩杯,扶一扶啫。(話你𡁻完鬆喎!)佢點講我阻止唔到佢但係我就話冇囉!」問到一周內約會多個異性,他就話︰「我好多異性朋友!食個 tea傾吓偈啫!」

其後,本刊記者將他兩年內的溝女名單,以 WhatsApp傳給他過目,他本來說會回應緋聞,但至截稿時卻突然人間蒸發。呀!差啲唔記得,佢最叻玩失蹤喎!

黃榕:佢賤過 Edison


魏焌皓𡁻完鬆仲唔認賬,一直啞忍的黃榕終於發火鬧他:「佢賤過 Edison!」
記:你哋點識?

黃:我同佢喺朋友生日會識,第二日佢喺微信 add我,之後有一齊出街。我唔知算唔算追,自己覺得係了解當中。

記:依家咩關係?

黃:唔知我哋關係點,我哋只係為咗啲好小事嗌交,之後就搵唔到佢,覺得佢好小器。之前諗住拍得成拖就公開。

記:發生過關係?

黃:太深入唔想講。

記:係咪因為佢花心所以分手?

黃:佢同好多女仔都好啱玩,佢𠱁女仔好叻。估唔到佢咁花心,仲賤過 Edison。

偷會黃榕睇戲

當晚黃榕與魏焌皓前後腳現身《男人唔可以窮》首映,之後便齊齊搭的士離開。

鬼祟現身

翌日黄榕現身魏焌皓寓所樓下,記者發現她當時十分鬼祟,似乎怕被人認得,更跑入魏住的屋苑。

網洩關係

有養寵物的魏焌皓,不時擺貓狗相上網,其中一張的背景及狗仔坐的梳化,就與黃榕自拍相的背景一樣。

世紀賤男逐個數

魏焌皓成為新一代賤男,但其實過往都有不少男藝人惡行連連。做女人最緊要帶眼識人,切勿俾戀愛甜蜜蒙蔽理智。

陳冠希堪稱為「世紀賤男」,曾與黃榕有一手。一場淫照風暴,揭露陳冠希與多個女星的性關係,不過他未知死,幾年後再食 Cammi,兼影咀相留底。

倪震 2008年背周慧敏偷食大學生張茆,事後他修飾為孔雀開屏,不過此事就令到他和周慧敏火速結婚,相當戲劇性。


《蘋果日報》圖片
彭順背老婆李心潔偷食嫩模 Liddy(李悅彤),成為年度娛樂大新聞。事後他急忙飛到馬來西亞向老婆賠罪。不過 Liddy父親吞槍亡,彭順連一個慰問都冇。


鍾意就快D Share啦!