網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月6日 星期四

[壹週刊 - 1287] 唔撈無綫  39歲黃𨥈瑩美容院 sell 黃𨥈瑩,M1,




外傳黃𨥈瑩入股張兆輝開設的 GVG美容院,每星期也會出入美容院兩次。

探熱針

唔撈無綫  39歲黃𨥈瑩美容院 sell

九四年港姐冠軍譚小環轉行賣魚蛋,而同屆「最上鏡小姐」黃𨥈瑩,亦秘密轉行,近日有指她入股由張兆輝開設的 GVG美容院,做老闆兼示範美容吸客。

向黃𨥈瑩求證,她否認入股傳聞,純粹幫手做美容示範 sell客。「我用咗佢哋產品十幾年,覺得好幫到我,所以輝嫂叫幫手,我好樂意。」

唔撈無綫,專注美容發展,更坦言沒有復出幕前計劃,「拍劇係唔會順住你想做乜角色就做乜,有時要你做師奶,連打扮都要變得好師奶,唔可以好似而家咁,做番自己!」黃𨥈瑩說。










親自落場

拍罷《 On Call 36小時》後,黃𨥈瑩便正式退出幕前,秘密轉行做美容業。

近日有消息指黃𨥈瑩入股張兆輝開設的 GVG美容院,自己仲做埋公司的生招牌。

「佢差唔多每星期都有兩、三日去美容院開會,有時公司要做新產品推廣,𨥈瑩都會親自落場做示範,好多美容院都有睇過佢批相。」知情者說。

為答謝張太令她愈變愈靚,黃𨥈瑩瞓身為美容院做示範。

唔想被人發現,黃𨥈瑩專登坐的士到尖沙咀寶勒行附近落車,再行去金馬倫中心。

近年經常孖住張太到內地宣傳,早前便到了河北做發布會。

演罷《 On Call 36小時》,黃𨥈瑩正式退出幕前。

12年看太極演唱會,入後台探班。

唔使再捱更抵夜拍劇,黃𨥈瑩生活寫意,經常約好友向海嵐及姚瑩瑩茶聚。

立下目標

對於黃𨥈瑩入股美容院,張兆輝太太代黃𨥈瑩澄清:「佢經常會幫我哋美容院做示範,拍低啲相,再喺其他美容院做推銷,可能係咁俾人誤會咗,以為佢有份投資。」

雖然無入股,但黃𨥈瑩早已成為公司生招牌,她更以張太為奮鬥目標。

「而家自己對美容方面有好大興趣,希望將來喺呢方面發展,但經營一間公司唔容易,要兼顧好多嘢,而家跟輝嫂學習緊,希望吸收多啲呢方面知識先。」

以前拍劇生活顛倒,皮膚更逐漸變差。

「可能拍劇壓力大,我以前好易出暗瘡,留咗好多印,但用咗佢哋啲產品,做咗四次微針,成塊面皮膚變得好好,所以輝嫂叫我幫手,我好樂意。」

能夠成功轉行,黃𨥈瑩還意外發現自己有美容天分。

「有時輝嫂會叫我去幫佢啲女仔試工,因為佢哋一掂我塊面,我就分得出手勢好唔好,原來我喺呢方面有天分。」

幕前工作停步不前,驅使黃𨥈瑩早於兩年多前決定離開無綫,轉做美容,眼見近日無綫人才流失,黃𨥈瑩卻沒有復出的衝動。

「係有少少戲癮,但而家競爭咁激烈,自己年紀又唔細,以前拍劇,唔可以順住你喜歡嘅角色去做,有時要你演師奶,連打扮都要好師奶,唔可以梳自己鍾意嘅髮型,好多時行街啲人見到我,都會話點解你喺劇度咁肉酸,你真人靚咁多,呢啲說話聽過無數次。所以係有少少矛盾,除非有好啱嘅角色先會考慮。」

皈依七年的黃𨥈瑩,表示信佛令她心靈和待人處事都變得祥和,坦言深信相由心生。

日前,黃𨥈瑩到美容院跟張太細妹開會。

黃𨥈瑩(右一)與譚小環(左二)同是 94年港姐,二人近年亦分別轉行。

去年張兆輝代理的美容產品在會展的展銷會,黃𨥈瑩亦有到場幫手落單。

離開無綫後,黃𨥈瑩近年收入來源主要靠到內地做美容推廣,以及商演活動,生活變得輕鬆。「除咗做美容,都會增值吓,好似學畫畫,呢排好興韓劇,我有去學韓文,但真係好難,學極都唔識。」

要愛情、棄事業

黃𨥈瑩是古天樂至今唯一承認的女友。

39歲的黃𨥈瑩, 94年參選港姐獲「最上鏡小姐」後加入 TVB,做主持兼拍劇集,其後與古天樂合作處境劇《餐餐有宋家》撻着,拍拖後愛情至上的她,幾乎半退出娛樂圈,黃𨥈瑩更是古天樂唯一親口承認過的女朋友,但二人最終敵不過七年之癢,分手收場。回復單身,黃𨥈瑩重投幕前工作,接拍《肥田囍事》、《女人唔易做》等, 11年約滿離開大台,《 On Call 36小時》成為她的告別作。

美容王國

張兆輝與老婆郭碧妍早年在土瓜灣開小型美容院,靠賣豐胸丸起家,其後生意愈發愈大,高峰期曾坐擁五間分店,除 facial療程外,更代理法國護膚品牌 Raffine,遠至美加及東南亞,都有美容院跟他們取貨,每年生意額高達數千萬,現於尖沙咀一商業大廈租用兩層單位,一層為寫字樓,另一層做美容院,周潤發夫婦亦是常客。生意做到有聲有色的張兆輝,十年賺半億,手上物業除擁有市值近 700萬的翠擁華庭外, 11年更以 2,236萬進駐豪宅貝沙灣,稱得上為圈中隱形富豪。

憑美容生意發跡,張兆輝 11年搬入貝沙灣。



鍾意就快D Share啦!