網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年11月6日 星期四

[壹週刊 - 1287] 鄭中基囡囡 軟硬都得 軟硬,葛民輝,鄭中基,中基,林海峰,M1,




同你吟一吟

鄭中基囡囡 軟硬都得

就快做第二任老豆嘅鄭中基,上個禮拜五(十月三十一日)孖住劉心悠,一齊出席由二人主演嘅新戲《奇緣灰姑娘》首映禮。

戲中鄭中基係躁狂劉心悠嘅出氣袋,現實生活中,佢亦要睇囡囡 Emma面色,事關佢每次行出戶外食完煙返入屋,因為身上有煙味,囡囡聞到就發脾氣,甚至走入房唔理個老豆。

皇帝女大晒,鄭中基投降,嘗試努力再次戒煙,更公開呼籲叫身邊人唔好再請佢食,希望戒甩煙癮。對老豆採取強硬政策,但對住爺爺鄭東漢, Emma就用嗲功。同一日下午, Emma同媽咪余思敏,仲有爺爺同婆婆,三代同堂現身時代廣場。平日個樣 cool到爆嘅鄭東漢,拖住孫女變得一副冧樣,兩爺孫仲邊行邊傾。

鄭家兩父子,都敵唔過 Emma嘅軟硬功,所以話,識得生,一定生女先!

三代同堂出動,嫲嫲想拖吓孫女,但 Emma全程黐實爺爺鄭東漢,三歲人仔,一樣氹到鄭東漢笑唔停。

對住個孫,鄭東漢乜都得,嘟嘴扮得意,亦得!

同劉心悠一齊出席首映禮嘅鄭中基自爆為咗個女,的起心肝戒緊煙,而家每日限自己食幾支,希望戒得成。

一家三口遊主題公園,細佬出埋世,就可以湊個「好」字。

囡囡 Emma因為唔鍾意鄭中基食煙而發老豆脾氣,家有辣妹,鄭中基仲冧。



鍾意就快D Share啦!