媽咪同家姐生咗兩個，身材一樣 fit爆，相信汪圓圓都唔想自己係例外嗰個。
同你吟一吟
汪圓圓姨仔變上等人
舊年十一月同蔡加讚結婚嘅汪圓圓，由宇宙最強姨仔搖身一變玩具大王百億新抱，嫁入豪門開枝散葉，今年九月為老爺奶奶添個孫女，夠晒勤快！
初為人母，汪圓圓依足產後傳統，坐月期間，盡可能不外出走動。上星期五（十一月十四日），坐完月超過一個月嘅汪圓圓同老媽子孖咇出動，去咗圓方 shopping。入到 Kate Spade試裙，未收身嘅汪圓圓為求自己望落唔好太好肉，對住塊鏡係咁照，尤其係腰肚同手臂位，更加睇清睇楚。老闆娘有排試，保鏢戙响門外站崗，嫁咗個有錢嘅，例牌上等人生活格式。
二五話汪圓圓同老公蔡加讚都係超級鍾意細路嗰類人，以前拍拖都成日走去家姐汪詩詩屋企，幫手湊外甥仔女，甚至帶埋佢哋一齊出街，完全唔怕煩。
家陣自己生咗，汪圓圓兩公婆唔使再黐人細路玩，功德圓滿。
|
鍾意就快D Share啦！
|
|
|