冇八達通，要買飛，超蓮都好熟手，金鐘去中環單程票價要$4.5，比八達通貴$0.3。
同你吟一吟
何超蓮買平貨逼港鐵
身為何家三房二小姐，何超蓮雖然大把錢使，但成日見到佢同朋友去大牌檔開餐、篤魚蛋、排隊買台式奶茶，非常平民化，上個禮拜五（十一月十四日），仲見到佢走去逼港鐵。
當日超蓮經太古廣場行去金鐘港鐵站，因為冇八達通，要先去自動售票機買飛，臨入閘前，見到有護膚品店提早聖誕大減價，買！
入店尋寶，超蓮最終揀咗個$89完美塑身按摩刷，沖涼用嚟按摩，可以增加血液循環，紓緩肌肉疲勞。做緊大減價，排隊俾錢嘅人特別多，買到心頭好，超蓮好有耐性慢慢等。
《壹》仔問超蓮坐港鐵去邊？佢話：「去中環呀！」哦！金鐘去中環，難怪，司機嚟接，兜餐懵，算罷
|
鍾意就快D Share啦！
|
|
|
