掃呢頁CODE去手機

2014年11月23日 星期日

6886定9889? 被指「求其」抽百萬大獎 黎諾懿:網民諗多咗! 黎諾懿,




【短片】【公然造馬?】6886定9889? 被指「求其」抽百萬大獎 黎諾懿:網民諗多咗!

2014-11-23 00:50:00



其他影片:>>






黎諾懿百萬大獎疑造馬密碼咭上下倒轉

大台台慶今年收視僅得25點(約162萬人數),創下20年新低,就算有王祖藍上演真人騷,向李亞男當眾求婚,都對收視無助,反而台慶最高收視點,為壓軸終極大獎環節。

當晚曾志偉抽出袁偉豪﹑姚宏遠及新婚不久嘅黎諾懿,參加終極大獎,佢哋輪流各自抽出兩組密碼,只要成功打開金庫大門,就獨贏一百萬獎金獎品。

當時黎諾懿抽到6886密碼咭,佢從信封抽出張咭後,順手向鏡頭展示一下張咭,成件事本來都冇乜嘢,不過有眼利網民發現,黎手中嘅密碼咭似乎倒轉咗,唔單止「8」字「頭大身細」,連密碼咭背景圖案,同其餘五張有所不同,睇落似9889多過似6886囉﹗

不過最搞笑係黎諾懿竟然成功用調轉咗嘅密碼開功金庫大門,並成功攞走百萬獎金獎品,有網民就表示:「對CCTVB已經死心啦,我0依家多個選擇,去睇香港人嘅電視台」

本報致電黎諾懿了解,佢只話:「唔好意思,我冇乜嘢回應,可能係網民諗多咗!」之後匆匆收線。



6886?定係9889?









鍾意就快D Share啦!