【短片】【飯局乜乜乜】黃秋生杜汶澤不和後 邱禮濤撮合「世紀合照」
2014-11-19 01:38:00
同樣都好鐘意係網上發表意見嘅黃秋生同杜汶澤，其實早喺佔領運動之前已經傳出不和，之前秋生直拍阿澤圈入面冇朋友，阿澤又回敬唔想再講呢個人。
不過早前兩人因為喺佔領運動上面槍口一致，關係似乎有轉機，更因為導演邱禮濤拉攏，早前傳出搵佢兩位合作拍戲，今晚阿澤就係fb貼出佢同黃秋生及邱禮濤嘅合照，寫住:「普通飯局」，唔知係想暗示同秋生修補咗關係，定係話同秋生關係只係普通?不過點都好，兩人好耐冇合照，今次一齊食飯，呢個世界多個朋友點都好過多個敵人嘅。
就喺阿澤張upload唔夠一個鐘，黃秋生亦在facebook上載了一張彩色版本嘅合照，並謂：「傾下劇本啦。」
普通飯局個「普通」，有冇含意嘅呢?
哦…原來係「傾下劇本啦」…
|
鍾意就快D Share啦！
|
|
|