掃呢頁CODE去手機

2014年11月3日 星期一

陳嘉桓做援交少女有出浴戲 要適應演文藝片 陳嘉桓,




【新鮮娛頭】陳嘉桓做援交少女有出浴戲 要適應演文藝片

2014-11-03 07:30:00



(攝影:馬建華)

周柏豪同陳嘉桓(Rose)及黃芷晴噚晚喺尖沙咀出席電影《販賣.愛》放映會,呢個節目係「香港亞洲電影節2014」其中一個項目。

陳嘉桓表示:「今晚係第2同第3場放映會,係第一次入去同觀眾一齊睇,戲入面我演援交少女,因為揀咗呢條路之後,人生好多掙扎。」講到海報上Rose係露背,問佢戲入面有冇大膽演出,佢就話有沖涼戲,仲話喺拍攝現場時都有掙扎,但係導演讚佢比預期中做得好,佢又話:「以往拍慣打戲,而家做文藝片要適應。」會唔會再性感啲?佢就話已經係底線,咁當時有冇清場?佢話:「上映時大家都會見到,清場嗰下令自己開心啲,期待大家見到嗰幕嘅反應。」

周柏豪戲中同Rose有感情線,問到Rose拍性感戲時佢有冇在場?佢話:「拍攝當日唔喺現場,今次第一次演好人,我以往演親都係壞人,爛賭嘅人。」係咪好人難做?佢話:「真係幾難做。」Rose就話柏豪喺戲入面令佢行返正途,同時又同廖啟智都有感情線。

問柏豪現實生活係咪好人?佢就哈哈大笑話:「絕對係,但要例子就難啲,o依家最不足嘅就係少時間陪屋企人,好耐冇返屋企,見Daddy Mammy個樣好似又唔同咗,自己都有啲驚,希望自己多啲時期新年去下family trip,不過平時都會交足家用,等佢哋開心,想旅行買嘢都做得到。」





陳嘉桓新戲有出浴鏡頭



周柏豪話拍戲好少做好人。



黃芷晴



導演朱家宏(左二) , 編劇朱鳳嫻(左一)



鍾意就快D Share啦!