【新鮮娛頭】向太怒轟周星馳 吳孟達：對我就有情有義
2014-11-18 07:30:00
(攝影：陳順禎)
噚晚太子鐘錶周年晚宴就喺灣仔舉行，何超瓊、吳孟逹、李丞責同太太劉倩停等等。達哥早前就因心臟衰竭入ICU，今日佢就話依家進入完全休養期：「日間唔會活動，因為食咗藥，血壓會下降，係有時會同朋友下晝去飲茶同去馬會。」
講到工作方面，達哥就話依家所有工作都推晒，早前高志森有搵佢拍戲，仲話咩都會就晒佢，但係達哥就話依家唔可以拍激情戲之類，所以唔太方便，但就仲未答實高志森。
講到早前周星馳同向太陳嵐之間嘅事，達哥就話唔清楚，都知有互相攻擊，向太所講嘅事，又有冇發生喺達哥身上呢？達哥就話：「冇，大家好爱友，最重要大家都健康。」又有指同星爺合作過嘅人都會因財失義，咁達哥有冇同星爺有金錢關係，佢就話：「冇，個個都有情有義。」但有關星爺嘅負面事傳咗出嚟，達哥就話：「唔會冇，睇下對邊個，對我就有情有義，好似你哋咁，會問候我。」
上個就係李丞責嘅生日，劉倩婷就買咗隻限量手錶畀老公，嚟緊會就係劉倩婷生日，佢哋就會歐遊購物，問到係唔係造人之旅，李丞責就話：「日日都有做人，唔使之旅，有咩好消息就會同大家講。」劉倩婷就話：「老公好鍾意馬嬲，兩年後係猴年，出年先開始努力，依家練習定。」
劉倩婷暗示會猴年生BB。
達哥依家進入完全休養期。
|
鍾意就快D Share啦！
|
|
|
