關照舊朋友 Chilam撐蔣志光復出歌壇
張智霖（Chilam）、謝婷婷、馬詩慧（Janet）與女兒王曼喜等，前晚在中環出席時尚派對活動。最近因惡搞舊歌《相逢何必曾相識》做《相逢何必曾燒衣》而忽然熱爆網的蔣志光，獲網友在fb開專頁支持復出拯救樂壇。飛圖唱片年代曾經與蔣志光合唱過《舊朋友》的Chilam，坦言支持對方復出，問到會否考慮《舊》的班底再合唱？Chilam即說：「如果有當然無任歡迎，本身7月開演唱會時，想請佢哋上台，但好難夾齊人，希望𠵱家開咗口，下次個唱可以一齊唱！」
■蔣志光將金曲改為《相逢何必曾燒衣》而在網上爆紅。互聯網圖片
■張智霖坦言7月個唱已想約蔣志光上台合唱，只因難約齊人才未能成事。
■張智霖與蔣志光當年飛圖的《舊朋友》是蔣志光作曲兼填詞。互聯網圖片
飛圖聚會欠許秋怡
Chilam又爆料指飛圖唱片早前搞了個聯誼活動，他說：「其實喺一兩個月前，韋綺姍發起同舊公司啲同事聚會，本來許秋怡有份，點知嗰日秋怡屋企廁所個天花板冧咗，所以嚟唔到，𠵱家密謀第二次聚會。」Chilam亦稱會替蔣志光穿針引線，簽他的唱片公司。
此外，王曼喜被指與女性密友Lia同居，身為媽媽的Janet說：「唔係嘅，係佢去朋友度過夜，平時都會㗎喇！」她亦不介意女兒搬出去住：「唔捨得都要放㗎，唔通綁手綁腳咩？佢開心就得，不過開心還開心，唔好唔記得屋企。」再問如果女兒搬走自住，會否需要配後備鎖匙給她？Janet說：「梗係唔會啦，私隱嚟㗎嘛！」不過Janet大爆老公王敏德最呷醋，她說：「佢早出晚歸，少見啲，都會俾說話個女聽。」
■馬詩慧（右）爆女兒王曼喜經常出外夜宿。
■謝婷婷笑言想見王菲，更希望聖誕可以一家人吃飯。
婷婷盼聖誕會王菲
此外，提到謝霆鋒榮升上市公司大股東，身為妹妹的謝婷婷竟說：「我唔知喎，不過知佢生意好。」問她會否找哥哥做經理人？婷婷笑說：「佢做娛樂老闆，佢係最嚴對我，我驚畀佢恰到儍呀！」問她會否想要多個阿嫂？她說：「呢啲嘢睇哥哥，呢個moment戥佢哋開心，佢係個好抵錫嘅男人，如果聖誕可以一家人食飯就好喇！」
採訪：盧妹
攝影：陳志嵐
【三個粉絲去首爾】
追星實錄，即上韓劇讀: http://hk.apple.appledaily.com/kstar
|
鍾意就快D Share啦！
|
|
|
