掃呢頁CODE去手機

2014年11月5日 星期三

[FACE - 389] 共富貴 兄妹炒大鑊拆伙 姜麗文:唔想累鬥累 姜麗文,MF,




姜文杰曾在第二集因為得分太差,怕連累妹妹姜麗文而喊住要退出,後經爸爸秦沛鼓勵後再參賽,之後成績愈來愈好,攞過 5次冠軍。

真面目

共富貴 兄妹炒大鑊拆伙 姜麗文:唔想累鬥累

姜麗文和姜文杰兄妹組合 Benji& Lesley拍檔 4年,感情非常好可惜星運麻麻,兩兄妹先後離開大台投靠 HKTV,但因無電視牌而前路茫茫,最近參加了內地浙江衞視選秀騷《我不是明星》終吐氣揚眉,奪得亞軍。

兄妹檔露曙光,但二人最近卻因揀歌問題導致兄妹決裂, Benji& Lesley更由台下鬧到台上直播出街。兄妹終決定拆伙,連內地邀請二人演出,他們都全部推掉, Lesley感慨回應:「其實嗌咗交幾年,唔想再累鬥累!」

9月播出的《我不是明星》, Benji& Lesley已為揀歌炒大鑊, Benji堅持要唱原創歌, Lesley卻想唱張惠妹或蕭敬騰的歌讓觀眾易投入,兩兄妹雖然最終選了自己的歌〈 If〉,卻一直為此話題吵吵鬧鬧,上到台依然你一句我一句。 Lesley:「應該唱大家比較熟悉的歌會比較好。」 Benji即場反駁:「你沒有唱過你怎麼知道?」 Lesley:「所以我們要表演了。」哥哥:「大家想法不同怎麼表演呢!」就跑到台下。

觀眾以為只是戲劇效果,但 2人上週錄影完所有節目後回港, Benji向本刊表示要同妹妹拆伙:「我一直覺得累咗個妹,分開對大家都好啲,唔使傷兄妹情。」 Lesley則說:「其實嗌咗交幾年,唔想再累鬥累,音樂 style太唔同喇!𠵱家內地好多人搵我哋一齊出騷出 event,我哋都推晒,情願分開,私底下唔使再傾公事,做番兄妹好啲!」幾時都係親情最重要。

台上嘈

網上圖片

在《我不是明星》第 9集,兄妹在台上炒大鑊, Lesley認為唱別人的歌會令觀眾更受落, Benji卻爆出一句:「你沒有唱過你怎麼知道?」氣氛即時變僵。

後台喊

網上圖片

Benji激到走落台,喊咗幾分鐘至返回台上繼續表演。

網上圖片

內地節目偏心係人都知, Benji& Lesley得亞軍輸給內地演員水亦詩,其後《我不是明星》微博被洗版, 6百多個留言鬧電視台造馬,稱兩兄妹才應奪冠軍。

網上圖片

姜氏兄妹組合出道 4年, 10年曾奪過多項新人獎和《勁歌》最受歡迎組合銅獎,可惜星途一般。

等泊新碼頭

鄭俊弘被指一腳踏四船,身為緋聞女友之一的姜麗文卻力撐好友:「佢唔會咁,我絕對相信佢。」始終不肯承認戀情。《蘋果日報》圖片



姜麗文( Lesley)早前約滿 HKTV,音樂上卻有新發展,為陳奕迅〈主旋律〉作曲後,她表示會再有合作機會;而兩兄妹拆伙後 Lesley正物色唱片公司,將不再以自資歌手身份出碟,亦將為東華三院拍攝一套慈善微電影。

Lesley說與鄭俊弘仍是親密好友,上週六( 1日)鄭俊弘開騷,她都有現身撐場。

《我不是明星》令兩兄妹在內地知名度大增,今後兩人將會多在內地發展,多間內地電視台亦爭相邀請他們唱歌、上節目,但他們只會分別接 job, Benji& Lesley不再。



鍾意就快D Share啦!