2014年11月19日 星期三

[FACE - 391] 為咗翠如 BB 蕭正楠閃避吳若希 翠如,吳若希,蕭正楠,黃翠如,MF,




雖然喺劇中飾演情侶,不過其實未埋位,吳若希又真係有需要挨到咁埋咩?

全知言

為咗翠如 BB 蕭正楠閃避吳若希

合作拍劇而鬧緋聞,幾乎三兩個月就會有一單,不過有啲講講吓又可能係真!還記得去年蕭正楠同黃翠如合作拍《師奶 Madam》,就有傳二人日久生情,果然半年唔使,二人已經同遊馬拉兼甜笑認拍拖,最近仲火速同居,緋聞嘅嘢真係唔睇得少。

近日蕭正楠為新劇《倩女失魂》埋位,同劇兼有大量對手戲嘅吳若希就傳出硬搶蕭正楠,搞到翠如 BB無時無刻都要 check住男友!全知言早排去探班,見到吳若希果然好主動接近蕭公子,有時對稿就唔覺意挨埋去,加上放電眼神,真係少啲定力都唔掂。不過蕭正楠已經心有所屬,工作時工作,休息時就真係休息,佢仲行到去離吳若希九丈遠嘅地方休息!雖然同翠如 BB感情已步入穩定期,不過緋聞呢家嘢,真係寧願無好過,今次蕭正楠主動避吳若希,翠如 BB放心

其實未埋位,啲表情可以收埋先,但當吳若希一企埋蕭正楠身邊,嗰個由心笑出嚟嘅笑容,真係燦爛到無比!

放飯時間,蕭正楠攞完飯盒就一支箭走埋一邊自己食,而吳若希見對方走到咁遠,唯有乖乖地自己食囉!

隔九丈遠

為免再被人誤會,蕭正楠寧願做孤獨精,都唔想再被指有女埋身。



鍾意就快D Share啦!
Related Posts Plugin for WordPress, Blogger...