掃呢頁CODE去手機

2014年11月26日 星期三

[FACE - 392] 掟煲唔掟蓋 胡定欣分手霸住渣甸山 胡定欣,MF,




以分手嚟講,胡定欣既坦率亦淡定,自稱療傷五個月後才公佈「分訊」,不過就難在她臉上找到情傷痕跡。

封面

掟煲唔掟蓋 胡定欣分手霸住渣甸山

花旦之中,胡定欣都算係坦白過人,月中( 15日)出席大台新劇宣傳,竟然自動波向傳媒宣布與拍拖兩年的廣告界闊少沈柏淳( Patt)分手多個月,自爆回復單身。不過宣布分手個多星期來,定欣多次見記者談及舊愛還是刻意維護,又暗示復合靠緣份,難得分手分得佢咁溫和!

分得咁有保留,定欣其實仲住緊二人位於渣甸山豪宅愛巢未捨得斷纜!原來 34胡定欣放不下 Patt更放不下等嫁的心,闊少 Patt未絕望喎!







外表硬淨,處理感情亦都有自己一套,繼吳浩康、馬明之後,胡定欣再次宣布與拍拖兩年的廣告界闊少沈柏淳分手,再次回復單身。不過人分手佢分手,胡定欣分得寧舍淡定,公布消息時自稱已經療傷五個月兼走出情傷。

前度 Patt

拍拖兩年同車又同居,突然自爆分手後,本刊卻發現胡定欣繼續住在與 Patt同居一年的渣甸山花園大廈(小圖)。

圖片

照返舊愛巢

拍拖兩年、同居一年,年初至話求婚成功、預計明年初結婚,明明五月至被影到拍拖行街、八月至高調結伴睇杜德偉演唱會,毫無先兆之下話分手的確來得突然,胡定欣解畫亦解得模稜兩可:「之前為療情傷放咗四、五個月假,𠵱家專心工作……好難用性格不合嚟形容一段關係,相愛先拍拖,總之我哋知乜事就可以,唔想交代咁多。」

宣布分手後,定欣一邊忙新劇宣傳,一邊趕拍新劇,不只表面看不出異樣,正如她口中所講已經平伏心情,而實際生活起居亦同分手前一樣,繼續出入一年前遷入、與 Patt同居的港島渣甸山花園大廈愛巢,擺明掟煲唔掟蓋藕斷絲連。

好姊妹胡杏兒當年同黃宗澤分手,避談舊愛又第一時間搬新居,連 Bosco鄰居都唔肯做,胡定欣分手後唔只續住愛巢,連言論都明顯有保留疑似護舊愛。外界揣測 Patt花心出軌,定欣翌日即主動向媒體澄清:「佢冇對唔住我,佢對我好好、好錫我!」被問到聖誕安排及有沒有復合機會,亦不急着排除可能:「唔知道,我聖誕要開廠,佢工作又好忙。(復合有望?)要睇緣份,我唔知道。」據悉二人對外話分手,其實處於感情冷靜期,恨嫁定欣對於原定的明年訂婚大計仍未死心。

上週一( 17日),爆完分訊翌日的胡定欣精神奕奕出席活動,還心情靚靚逗留安撫一班粉絲。

返愛巢

告別粉絲後換上便服登上保姆車,直接返回渣甸山。

宣布分手後,胡定欣如常出席活動、悉心打扮參加台慶,亦多次在傳媒面前維護舊愛。

自稱分手後專心工作,聖誕亦將與新劇拍檔陳豪在廠中度過,不過被問及復合機會,胡定欣就留有餘地。

形影不離的胡說八道會,月初相聚欣賞張敬軒演唱會,當時已不見與張敬軒非常老友的 Patt。

舊愛報喜

週日( 23日),胡定欣憑《點金勝手》卓太一角獲得馬來西亞「我最喜愛 TVB電視角色」一獎,據悉胡定欣在該頒獎禮年年冧庄女配角獎、今年再奪電視角色獎,其實失望多過興奮,早為長踞女二位、不獲大台扶正而灰心。

事業失意感情觸礁,又會咁啱前度吳浩康宣布求婚鍾舒漫成功、另一搭上強國𡃁模舊愛馬國明亦絕情拒絕翻撻:「掛住足球多過女人!」胡定欣一心想在 35歲前出嫁心願凍過水,目前手上唯一籌碼就係同 Patt的兩年感情和愛巢,難怪掟煲唔掟蓋,置諸死地而後生,呢招高呀!

上週台慶,胡定欣都有着到鬼火咁靚出席,亦係全程黐實好姊妹胡杏兒。

網上圖片

近年電視劇角色越見出色、又因為《點金勝手》卓太一角贏得馬來西亞最喜愛角色獎,同黃宗澤齊齊上台,不過據悉定欣有感長年不獲扶正,對事業心灰意冷。

11月中自爆分手四、五個月,不過胡定欣 8月至同 Patt結伴睇杜德偉演唱會,時間極不合!

《蘋果日報》圖片

年初有傳 Patt出軌、定欣一氣出走紐約,最終 Patt求婚箍煲傳聞,胡定欣最近全盤否認,不過極力維護舊愛:「對我好好!」

網上圖片

舊愛有好路數

吳浩康

網上圖片

定欣甩拖同期,吳浩康卻求婚成功、並將於婚後與鍾舒漫出力造人,講起前女友,吳浩康只連說 4「好」:「佢係好好好好女仔!」

馬國明

網上圖片

盛傳與上海妹徐佳琦感情穩定,馬國明避談新歡亦唔肯講舊愛,只得笑話一句:「我掛住足球多過女人!」

胡說八道姚唔出

胡定欣、胡杏兒、胡蓓蔚再加埋姚子羚同黃智雯,出晒名情同姊妹,合組胡說八道吹水談天聯絡感情!本來已經黐到實嘅幾位,呢期又見多咗!無他嘅,好姊妹連同甩拖都約埋咁滯前後腳,咪又多咗時間聚會囉!即係咁,幾位會員條件好要求更加高,不如學似胡蓓蔚一樣,粗粗哋搵豹哥嫁咗佢,唔係好易變胡氏單身好友!

《蘋果日報》圖片

黃智雯 傳甩拖

本來 mark實謝瑞麟高層詹文天、正印女友身份漸漸浮面,年中卻與姚子羚前後齊齊傳甩拖,有得約埋一齊醫情傷。

網上圖片

胡定欣 博翻兜

入行 15年 keep住有拖拍,不愁寂寞,不過待嫁之時婚訊變分訊,月中自爆同廣告才俊 Patt分手,雖然仍寄居愛巢,不過嫁期仍不明朗。

《蘋果日報》圖片

姚子羚 俾仔飛

演藝事業雖然未去到姊妹淘級數,不過眼角就唔低過人,姚子羚前度 Patrick Cheong一樣財力宏厚是夜場老闆,不過拍拖兩年今年中亦告分手。

胡杏兒 冇米粥

兩年前同黃宗澤甩拖後再無着落、年初「我找到了」玩出火被網民負評,最近傳出蜜運,不過剛剛在 35歲牛一派對宣布絕無此事。好難捉摸!

網上圖片



鍾意就快D Share啦!