掃呢頁CODE去手機

2014年12月5日 星期五

[忽然1周 - 1010] 賭場賣肉實錄 複製 Mandy Lieu箝賭廳大亨 𡃁模 AMY騎上位 Mandy,劉碧麗,Mandy Lieu,MW,Amy,艾美琦




女上男下

之後 Amy當柳哥係馬咁騎,仲自動波除 bra,情慾高漲。

打頭陣

賭場賣肉實錄 複製 Mandy Lieu箝賭廳大亨 𡃁模 AMY騎上位

近日人肉坐墊 Mandy Lieu創下𡃁模神話,箝實澳門賭場大亨洗米華後,話咁快 1億西半山豪宅到手。

曾被本刊踢爆冧掂一澳門賭場股東陳科維的 LuLu(王璐瑤),不但身家暴升,更成為網上賭廳寶馬會代言人。最近她帶挈一眾𡃁模齊齊赴馬尼拉開工,十個𡃁模獲包食宿 3天,表面拍廣告,實則陪老細。

當中𡃁模包括早前被本刊踢爆涉嫌賣淫的 Amy(艾美琦),據同行的𡃁模 A爆料,幾日行程中, Amy已冧掂寶馬會的大股東柳哥。返港後, Amy突然富貴, 5萬月租尖沙嘴豪宅。賭場果然是𡃁模的搵食天堂。









10月 23日,由𡃁模 LuLu帶領一行十人𡃁模團,從香港出發到菲律賓馬尼拉拍廣告,每人有五位數字的酬勞。眾人入住當地的五星酒店 Solaire的高級 Villa,而網上賭廳的大股東人稱柳哥,亦到場監察拍攝,並順道慶生。

第一晚未正式拍攝,眾𡃁模就被召出席柳哥在酒店泳池舉行的生日派對。柳哥是台灣人,在澳門不少賭廳都有股份,加上有社團背景,只見他出入都有兩、三名保鑣跟身。

有樣學樣

早前流出 Mandy Lieu為洗米華做人肉坐墊的短片,之後就傳出她獲贈億元豪宅,恨死唔少𡃁模。

24/10 主動出擊

Amy知道柳哥是網上賭廳的大股東,趁他到場監察拍廣告時,竟按他落梳化色誘老細。

左右開弓

Amy左手輕撫柳哥肚腩,右手更摸落柳哥重要部位,極盡挑逗。柳哥明顯受落,反拍 Amy媚態。

泳池 P玩水戰

𡃁模 A爆料:「嗰晚柳哥包咗成個泳池,事前接待我們的賭場負責人,一早已交帶我們要着三點式泳衣為他慶生。當晚現場有好多紋身漢,連𡃁模共有三十人。成班𡃁模初時都幾緊張,企埋一邊。 LuLu叫我哋唔使驚,話柳哥係佢男友賭場 Partner,份人好玩得。睇柳哥同 LuLu嘅表現,都知佢哋好熟。

「 Amy不嬲都好進取,佢知道柳哥係老闆後已經鬼咁熱情走埋人哋身邊打招呼,柳哥隨即好豪氣, order咗兩打紅酒同一打香檳,叫大家盡情玩。 Amy可能見柳哥咁豪,咪死黐囉!現場嘅紋身漢亦乘機在場揀女,𡃁模都心知肚明,之後還有下場。玩到 9點幾, Amy搶住捧蛋糕冧柳哥,又攞住支水槍同柳哥玩,佢哋射嚟射去。 Amy好似當正自己係人哋條女咁,都幾荒淫。」

23/10 泳池激戰

拍攝廣告之前一日,「寶馬會」大股東柳哥 call齊人馬在泳池開生日 P,其間 Amy對柳哥投懷送抱玩到癲。

帶女出征

LuLu身為「寶馬會」股東陳科維的女友,在她牽頭之下,一眾𡃁模齊齊赴馬尼拉拍廣告。

扮正印

大家唱生日歌時, Amy當正自己係女主人,捧蛋糕跑到柳哥身旁為他祝壽。

獲打賞三十萬

泳池生日 P後,已是凌晨時分,柳哥還帶埋成班𡃁模直落,到當地的賭場見識。柳哥甚有江湖地位,只見他一出現,賭場經理即時出來招呼他入貴賓房。柳哥換咗五千萬披索(菲幣)泥碼(約港幣 880萬),眾𡃁模就做觀眾,睇佢賭錢。

「柳哥賭百家樂鋪鋪都幾十萬上落,初時佢手風唔係好順。 Amy就鬼咁主動,請纓話俾佢試吓!佢又死咁好彩,幫柳哥贏咗錢,之後柳哥換番 cash,即時打賞咗一大疊 cash俾佢,嗰度成二百萬披索,兌番港幣都有三十幾萬。」賭到凌晨三點幾,一眾盡興而歸,有𡃁模已經被紋身漢 mark咗,上房 happy,而這些拍廣告以外的服務,當然會獲得額外獎賞。

23/10

陪賭送肉嘴

Amy咁進取,全因為之前一日,她陪同柳哥到賭場賭錢,柳哥一贏錢,就打賞 Amy二百萬披索(約港幣 34萬), Amy當時興奮到送肉嘴還禮。

上周末 Amy忽然 post自己同嫩口男友牀照,不過牀照隨即被 Amy刪走,大概是怕柳哥唔高興。

主動冧老闆

早前 Amy被發現在賣淫網榜上有名,雖然她否認賣淫,但其後流出她的情慾片,事後她解釋是為取悅前男友而拍。

經過一晚胡天胡帝,𡃁模於翌日下午三、四點才開始拍廣告, Amy更出位到現場公然色誘柳哥,極盡豪放。當時一班𡃁模在酒店房開始拍攝,現場的𡃁模、攝影師等,加埋約十五人。拍至傍晚時份,柳哥攞埋部相機嚟現場監場, Amy再次乘勢出擊:「 Amy無情情拉咗柳哥埋一邊,叫柳哥幫佢影相留念。柳哥影影吓相, Amy竟然除咗件面衫,剩低內衣,更豪放到輕推柳哥落梳化,然後一隻手除 bra,一隻手摸柳哥下體。在場人士個個 O晒嘴,不過柳哥就似乎好受落。」當晚,有人目擊 Amy與柳哥齊齊上了酒店房。

住屋六級跳

今次帶挈一班𡃁模搵食的是寶馬會代言人 LuLu,有𡃁模睇唔過眼 Amy搶韁圖溝老闆,就向 LuLu報寸,爆 Amy嗲柳哥,叫柳哥換佢做代言人。 LuLu收到風後嬲爆,私下向其他𡃁模呻自己捉蟲。

無獨有偶,馬尼拉拍廣告返港後,在 10月 31日, Amy突然在微博晒命,指「收到一份好美妙的禮物,是一間房屋的門匙」,顯示的單位是尖沙嘴 K11樓上的名鑄,月租要 5萬幾,是她舊居的 6倍租金。

雖然微博未有明言是誰人所送。但公屋出身的她,生活一直貧苦,又要養殘障父親,又要供弟弟讀書。她近年一直租油麻地唐樓,月租也不過七、八千元,現在突然富貴,香閨六級跳,真是財來自有方。

網晒豪宅香閨

10月 31日, Amy在網上大晒新居,當時未放傢俬,估計面積近千呎。

Amy的新居,是位於尖沙嘴旺區,坐擁維港景色的「名鑄」。月租 5萬,難怪佢晒命

寸 Amy搶飯碗

上周六( 29日), Amy與 LuLu應邀出席詩琳活動,兩人接受大圍訪問時, Amy被問到近日網上晒台灣新歡一事,她笑說該男子是 LuLu介紹,不過 LuLu好唔俾面,話佢冇做紅娘,更寸爆 Amy「來者不拒!」,搞到 Amy面懵懵勁尷尬。

記者就 Amy色誘柳哥,暗中搶寶馬會代言人一事,致電 LuLu求證,她寸到開巷︰「咁佢發姣搶飯碗我都冇辦法,但佢一世都搶唔到囉!」問到與 Amy是否再見也不是朋友時,她表示︰「以前都唔當佢係朋友,只係工作上關係……我不嬲都不屑佢嘅作風。」

11月 3日,記者在 Amy尖沙嘴新居守候,趁她出外工作時,截停她訪問。

記:記者  A: Amy

記:之前拍寶馬會廣告,喺馬尼拉色誘老闆柳哥,係咪事實?

A:大家玩啫!可能我玩得癲啫。

記:你除剩內衣騎上人哋身上面摸人下體喎!

A:吓!講到咁大!柳哥好好人,當我哋朋友。

記:有冇陪瞓?

A:(扮傻)唔使 tranning喎(培訓)!

記:係問陪上牀喎。

A:冇,梗係冇陪上牀。

記:咁返香港後同柳哥仲有冇聯絡?

A:工作上仲有聯繫。

記:係咪想好似 Mandy Lieu咁搵個老細照顧?

A:有邊個唔想好似 Mandy Lieu咁,搵到個咁有錢嘅男朋友吖……我都係做番自己應該做嘅嘢啫……

明嘅明嘅,香港搵食艱難,最緊要識泊碼頭, Mandy Lieu有辦你睇。

曾做侍應

搭上柳哥之前, Amy為生計曾兼職做侍應。當時住劏房的她,現在唔使兼職,更升呢住豪宅。

「寶馬會」在光棍節以「遇上愛情」為口號,客人有冇女埋身就唔知。單睇廣告排位, LuLu正印地位未受動搖。

搵仔照顧

周三( 3日), Amy唔認色誘網上賭廳老闆柳哥,否認兩人有性交易。但她直認想學 Mandy Lieu,搵番個有錢男友。

姊妹反目

當日 Amy拍廣告全靠 LuLu介紹,不過兩人姊妹情不再。上周六( 29日), Amy和 LuLu同場出席活動時, LuLu當眾寸 Amy對男人「來者不拒」,搞到 Amy勁尷尬,火藥味甚濃。

柳哥來頭猛

這次 Amy冧掂的賭場猛人「柳哥」,年約 40幾歲,近年活躍於澳門賭博業,據知在澳門五、六個賭廳都有股份。故有傳他是台灣很有勢力的江湖中人。

柳哥亦是網上賭博網站「寶馬會」http://www.bmw68.com的老闆,該網在菲律賓註冊,曾連續三年奪得「亞洲最佳博彩公司」,現時有廿萬會員。

女星冧賭場猛人

近年唔少女星都各師各法,諗計黐賭場猛人,人人希望飛上枝頭變鳳凰。

Mandy Lieu

成功攻陷澳門賭場猛人周焯華,西半山近億豪宅「珒然」立刻到手。近日再傳洗米華為她在澳門添置豪宅。

藍莓

去年周焯華被本刊發現和藍莓(劉俐)在澳門酒店密會,事後女方稱當日只是傾電影合作。雖然電影未見,但藍莓就得以住進月租 2萬的譽港灣。

LuLu(王璐瑤)

今年 10月, LuLu被踼爆搭上「寶馬會」老闆陳科維。陳科維帶挈 lulu以六位數字做賭廳代言人,而她更入住月租 3萬元的銅鑼灣 J Plus。



鍾意就快D Share啦!