掃呢頁CODE去手機

2014年12月5日 星期五

[忽然1周 - 1010] 洪天明高危抱仔 洪天明,MW,




手瓜起𦟌嘅洪天明,扶住個仔對腳企到咁高,雖然冧到 TJ卡卡笑,但動作好危險,真係要家長指引囉!洪天明喺大陸拍完戲返港,就帶家人去食日本菜,共聚天倫。算佢顧家

媽咪姐

洪天明高危抱仔

今年 31歲嘅周家蔚,冇幾耐之前又公布有喜,依家佗 B四個月。睇佢三年抱兩密密生,似乎想用第二胎箍實老公洪天明。你知最近阿洪生又有緋聞,被爆有索女主動黐埋身。好彩係有咗之後,洪生一唔使開工就返屋企慰妻。

日前,媽咪姐喺沙田嘆日本菜,就撞到佢哋帶埋工人姐姐去開餐。隔籬枱嘅食客見到明星,冇乜反應,但就勁 like佢哋嘅囝囝大仁( TJ),係咁撩佢玩,天明仲單手抱住個仔行咗個圈打招呼,又捉住 TJ對腳企喺圍欄玩。睇落牙煙咗啲喎!

有其父必有其子,果然唔夠兩日, TJ就撼親頭腫咗,周家蔚話「心痛死」。真係陰功豬咯!

周一( 1日)周家蔚擺咗張大肚相上網,老公洪天明從後抱住佢,個樣好幸福呀!



鍾意就快D Share啦!