掃呢頁CODE去手機

2014年12月12日 星期五

[忽然1周 - 1011] 追擊新晉富三代索女 MW,




張翡玶曾昭令曾昭怡何鍶珩李家彤曾昭亮何超盈邱詠麒

媽咪姐

追擊新晉富三代索女

青春少艾,人見人愛。甚少新血加入嘅 ball場,最近彈出幾個索爆富三代,令社交圈鬼咁熱鬧。上周六( 6日),灣仔演藝學院嘅友誼社慈善 ball,搵嚟 8個城中名媛,着上設計師鄭兆良設計晚裝行騷。當晚個個處女下海, sharp醒過身上嘅珠寶首飾。

24歲 曾昭亮 性感辣妹

何超鳳契女曾昭亮,老竇係富豪曾文能。平日鍾意同外籍未婚夫拍拖周圍飛。身材火辣嘅佢,不時網上晒三點式靚靚泳裝相,甫士多多,夠晒 hot!

曾昭亮同外籍未婚夫 sweet到漏,當晚完騷去玩,兩個忍唔住當眾咀嘴。睇吓佢男友隻手……

25歲 張翡玶 時裝達人

最近踏足 ball場嘅張翡玶,喺台灣出生,喺悉尼、紐約等地生活過, 08年移居香港。開辦個人網站,講時裝、旅遊,同林青霞繼女邢嘉倩、鄧永鏘個女鄧愛嘉都好老友。

張翡玶身材 fit爆,不時着靚衫影相放上網,十足 model咁款。

19歲 何鍶珩 突出有型

何家最新代表,係二房超鳳大女何鍶珩。現於美國長春藤名牌學府之一、普林斯頓大學讀一年級嘅佢,甚少出席公開活動,當晚以性感晚裝出騷,表現淡定。連超鳳都話個女好自然,仲爆鍶珩有問阿姨超儀點擺 rock甫士㖭!

24歲 何超盈 霸氣逼人

見慣見熟嘅四房超盈,比起其他新晉名媛明顯輸蝕。不過佢當晚拎番個廿萬鱷魚皮 Hermès,即刻搶番唔少鏡。着長身晚裝嘅佢,入場時更有專人服侍,呢啲咪叫輸人唔輸陣囉!(右圖)



鍾意就快D Share啦!