掃呢頁CODE去手機

2014年12月4日 星期四

[壹週刊 - 1291] 呂慧儀小蟹籽好重秤 呂慧儀,M1,




剃光頭嘅小蟹籽,面仔肥嘟嘟,相當可愛。

同你吟一吟

呂慧儀小蟹籽好重秤

長腳蟹呂慧儀同老公黃文迪合作出品嘅「小蟹籽」已經 100日大,父母生得高,小蟹籽嘅 size比同齡 BB亦大一截,上個禮拜四(十一月二十七日),媽咪長腳蟹一個人帶埋佢去 ifc,同班 auntie high tea。

啱啱剃光頭嘅小蟹籽全程由媽咪抱實,三個月人仔望落似五、六個月大巨 B,份量十足,好在去到陌生環境唔扭計,新手媽咪呂慧儀可以舒舒服服,一邊湊仔一邊飲 tea。

為咗俾小蟹籽有更好嘅營養,長腳蟹堅持餵人奶,寧願孭住周身肉都唔敢減肥,見老婆咁辛苦,黃文迪話一個夠晒數,唔奢望追多個女。哦,聽住先



仲餵緊人奶,呂慧儀就算仲係周身肉都唔敢減,犧牲精神十足!

同班 model姊妹歎完 tea,呂慧儀攞車走前先「給」飛,乜都自己一手一腳,唔使人幫。

原本呂慧儀想追多個女,但老公黃文迪怕老婆辛苦,講明一個夠晒數!



鍾意就快D Share啦!