掃呢頁CODE去手機

2014年12月11日 星期四

[壹週刊 - 1292] 劉心悠遭胸襲  Eric Kwok快閃 Eric Kwok,劉心悠,心悠,BKD_S,M1,






一次過買十包煙,店員搵貨期間, Eric Kwok行去雜誌架打書釘。

同你吟一吟

劉心悠遭胸襲  Eric Kwok快閃

早排劉心悠孖住 Eric Kwok郭偉亮,去咗澳洲墨爾本拍自駕遊特輯,食好住好,仲可以揸住百萬辣跑四圍去,爽!

去澳洲,唔少得參觀動物園,兩個仲可以近距離餵袋鼠!點知袋鼠 BB過分熱情,一個唔該跳上劉心悠個 body,嚇到佢即刻撲埋 Iron Man身邊,混亂期間,心悠 BB更慘被袋鼠 BB從後胸襲!

玩足八日!返到香港, Eric Kwok為電影《老笠便利店》埋位,戲中雖然奉旨胸襲 36E崔碧珈,但 Iron Man一早同老婆葉佩雯備案,答應唔會同對方有任何電話或者短訊聯絡。

去到邊都帶埋三隻狗嘅 Eric Kwok,買完煙快閃,速離雙黃線。

心悠 BB打緊高爾夫球期間,突然有幾十隻袋鼠跑過。

除咗去動物園,仲要出海捉藍青口,著住漁夫衫嘅 Eric Kwok, Iron Man變咗 Mario。

尊重老婆, Eric Kwok亦尊重法律,上個禮拜一(十二月一日)晚,佢車住三隻寶貝狗出灣仔上糧(煙),仲一次過買十包。買煙支持正版,唔幫襯水貨,不過佢將架車停咗响雙黃線位置,買完要快閃,守法守一半,算係咁㗎

袋鼠 BB胸襲心悠 BB,但聽講隻袋鼠,係女仔!

同性相吸,更何況異性,袋鼠 BB要 Iron Man孭孭!

非一般自駕遊,全程揸過百萬辣跑旅遊,包括呢架林寶堅尼。



鍾意就快D Share啦!