掃呢頁CODE去手機

2014年12月11日 星期四

[壹週刊 - 1292] 藝人愛巢 戲痴陳國邦 新居百呎私人影院 陳國邦,M1,




飯枱連椅,係愛女陳禛嘅契媽阮兆祥女友所送。兩歲女兒的「寫字枱」放正廳中間,可想而知家中 CEO係邊位!

探熱針

藝人愛巢 戲痴陳國邦 新居百呎私人影院

過去十二年,陳國邦搬過五次屋。兩年前為迎接小生命陳禛,兩公婆租住有會所設施的大埔滌濤山;早前再動用多年積蓄,買下二、三樓連天台的西貢村屋,再花百五萬裝修打造安樂窩,落地生根。

裝修大權由老婆話事,明知陳國邦是超級戲痴,體貼的羅敏莊不惜使大廿萬,為另一半打造設備齊全舒適的私人影院。所謂安樂窩,應該是伴侶一份心意。

一屋兩調

認識陳國邦的圈中友好,均會一致認同他有演技,亦出名黐家。西貢新居由老婆羅敏莊一手打點裝修,設計方面,更加要為宅男設想。

入屋後,先經過一道掛滿家庭照和畫的草綠色樓梯走廊。「呢個係我嘅『畫廊』!」屋主陳國邦說。上到大廳,首先最吸睛的,是愛下廚的女主人「基地」:半開放式廚房;但更令客人嘩然的,是屋企花二十萬打造的百呎私人影院。

一間屋,出現兩種不同風格的色調。男主人喜歡家居色彩強烈,紅黃藍綠七彩對比最啱心意;女主人追求柔和,灰米白啡才是首選。遇上意見分歧,解決方案是陳國邦放棄堅持,任由老婆揸主意。



影院內放滿動物公仔。原來阿邦專登上網訂購一批按真實動物形體比例而製的公仔,讓愛女認識動物。



設在三樓的過百呎私人影院連書室,無不令客人嘩然!二十萬裝修,單是隔音牆也用上五萬,加埋 L形真皮梳化,羅敏莊務求令戲痴老公達致一級享受。

放權冇拗撬

「咁多年來,我哋相處都有一個默契,就係要協調到兩個人同意先去做,裝修如是,教女都一樣。當我決定交晒俾老婆話事嘅時候,咁我就真係要做到冇所謂,唔可以睇完結果又要問:『點解咁㗎?』

「新屋裝修半年,我哋係零拗撬!當然,我都會同老婆反映,我想要七彩格調,雖然佢揸晒弗,但其實我老婆好顧我感受,好清楚我想要乜!所以一入屋,已經見到有幅好搶眼嘅綠色牆襯七彩燈,二樓走廊係黃色牆配紅色燈。」陳國邦說。

驚喜位

一入屋,就俾呢個半開放式廚房吸引。負責監督裝修的羅敏莊說:「起初因與裝修師傅溝通唔到,好驚出嚟唔知咩嘢效果!點知手工好,簡直係驚喜。」



廚房嘅吧枱,係兩公婆每朝撐枱腳

之地。

大門走廊

大門樓梯布置到如畫廊一樣,牆上掛滿家庭照及油畫,充滿色彩,正是男主人的口味。

失望位

為咗收埋啲雜物,又可供九隻家貓做跳台,羅敏莊在北角一間傢俬店揀了一組設計如積木的儲物櫃。豈料寄望愈高失望愈大:「手工差到爆,入伙一個月個櫃門已經爆開。」

做好隔音

男方讓步,女方體貼,一切問題,自然迎刃而解。

羅敏莊善解人意,甚至落重本,打造老公夢想的私人空間。

「阿邦好鍾意睇戲同睇書,過往住嘅地方,唔係空間唔夠,就係租屋住無理由落重本裝修;難得今次買到間兩層連埋天台嘅村屋,地方夠,可以騰出一個百呎嘅房,俾老公做私人影院同書房,間房做晒隔音唔會騷擾到鄰居,又有 L形真皮梳化,我希望俾佢一個好好嘅享受空間。依家除咗陪個女,阿邦匿喺電影房嘅時間係最多,直頭係佢私竇。」羅敏莊說。

三樓的主人房講求簡潔,高到上天花板的大衣櫃在內地訂製,連運費約港幣五萬,唔算平。

羅敏莊童年時嚮往的兒童天地,今日在女兒身上實現。成 set內地訂製,港幣四千。

天台小閣樓有個貓貓反思室,邊個曳邊個入去踎,不過受罰還受罰,有冷氣歎㗎!

有個好戲嘅阿爸,兩歲陳禛病緊仍然表情生鬼,再嚟個日理萬機的演繹,勁過班花旦!

陳國邦雖得不到大台認同,但今年九月獲迪士尼賞識邀做舞台劇,成為首位在迪士尼樂園演出的港星。



鍾意就快D Share啦!