全城熱爆的娛樂八封新聞 & 時事趣聞 & 生活 + 趣聞
千嬅去餅店拍外景，門口逼滿學生睇熱鬧。
定咗明年一月開七場演唱會嘅楊千嬅，操 fit練歌排舞時間都唔夠，仲要唧時間幫無綫拍音樂特輯。 上個禮拜三（十二月三日），千嬅孖住老友小儀去咗九龍城一間老牌餅店拍外景，四點幾撞正學生放學，加埋買餸班 C9，人群聚集，一時間搞到餅店門外逼滿幾十人。
一場嚟到，千嬅索性叫埋班學生妹一齊出鏡，再大合照作為做「老臨」報酬。去完餅店，再去另一間賣潮州食品嘅鋪頭，轉場繼續拍。 要留番架七人車接送囝囝 Torres返學放學，是日千嬅坐佢架寶馬去開工，雖然唔多方便，不過凡事 Torres優先，千嬅將就吓，一百個心甘情願。
叫埋班學生妹一齊出鏡，千嬅同大家合照答謝。
去到潮州鋪，千嬅係咁打電話，心急返歸湊仔樣，出晒嚟！
七人車用嚟接送囝囝 Torres，千嬅開工要同成班工作人員屈私家車。
千嬅話自己個仔要排練學校聖誕表演，但佢冇時間，要丁子高代勞做湊仔公。
五吋踭，對千嬅嚟講，高處未算高。
