王秋紫在微博晒自己跟向佐的親密照。
探熱針
中港衝突 Co Co挑機晒床照 向佐 158萬鑽錶氹國產女友
年初飛甩翻撻女友 Race（黃婉佩）後，向佐先後搭上西安演員王秋紫及有米𡃁模袁聖殷（ Co Co），做中港通！港代表 Co Co近日頻頻將跟男友愛貓合照放上網，中方代表王秋紫不甘示弱，在微信大晒跟向佐食飯家庭照，以及收到對方送贈價值一百五十八萬的限量版鑽石錶還拖。兩女爭仔，鬥晒！
結婚有女
向佐分身有術！一拖二，總有一個喺左近！近日 Co Co又出招，將向佐養的黑貓「黑面神」合照狂鋪上微博——「我家新成員！」明向王秋紫挑機，其中更有男友跟黑貓的床照，暗示二人同居關係。
今年初，向佐在北京讀戲劇搭上二十七歲王秋紫，拍拖唔夠兩個月，已在社交網公開宣布交往中，女友來港，向佐包食包住，要補品、香水，一切照辦，王秋紫要乜有乜。
上週李連杰拉頭纜的壹基金在香港舉行拍賣籌款，向華強捐百萬點蕭敬騰即席獻唱，並為當晚善舉解囊共五百萬。有其父必有其子，向佐出手亦十分闊綽。
「前兩個月王秋紫俾網民起底話佢結過婚，又喺美國生咗個女，但一樣冇影響佢同向佐，早排嚟香港，向佐帶佢同媽咪爹哋一齊食飯，當晚仲送咗隻成一百五十八萬嘅手錶俾女友；王秋紫忍唔住話晒俾朋友知，所以就算有 Co Co，佢都唔覺得有威脅，可以繼續扮無事。」知情者說。
投其所好
男朋友要揀有錢的王秋紫，更加無名牌不歡，出道無耐已經有本事租住北京豪宅區，女友愛奢華，向佐亦投其所好。
「以前 Race都使咗向家唔少過百萬對佢哋嚟講唔係咩大數目，最重要係向佐為咗氹王秋紫，特登花心思搵咗隻 Franck Muller特別版 DOUBLE MYSTERY，心意大過價錢。王秋紫身邊班朋友都知佢收咗隻咁特別嘅貴錶，幾有面呀。」
向佐緊張自己，王秋紫忍唔住在微博公開晒，表示自己留香港兩天，又感動又開心，可以跟「超可愛的一家人」食飯，收到寶貝送給她「喜歡到想哭」的禮物：「真的特別開心，愛你 XZ……」
招來招往，雖然收大禮，但卻不能代表王秋紫穩佔上風。個多星期前，有朋友在社交網力勸王秋紫不要跟不負責任的人動氣，又暗示她不要用大肚做藉口箍男人，當事人只回應——「做好自己……」與此同時，港代表 Co Co則繼續將跟向佐出席公開活動合照放上網，兩女爭一男，無盡變數。
Race有景
年初跟向佐分手的 Race，近大半年亦好有景，唔使做不斷去旅行環遊世界外，更愈玩愈豪，做過金融投資，認識不少富貴朋友的她，先後帶住細妹家姐去歎世界，包括俄羅斯、西班牙、紐約、挪威、摩納哥、巴黎、尼斯、越南、紐西蘭等地，當中更坐私人飛機豪買名牌及坐 55米豪華遊艇，冇得做「小向太」， Race一樣有辦法買名牌。至於家姐 Rossane就表示細妹去旅行好正常：「 Race而家單身，大把時間可以周圍去旅行。」
|
鍾意就快D Share啦！
|
|
|