掃呢頁CODE去手機

2014年12月2日 星期二

陳琪人工流產後血崩 無望再追B 陳琪,




陳琪進行人工流產後驚現血崩,更險些子宮不保,雖然最終陳琪平安度過,可惜以後都不能再生B。

next 1/1 pre

胡仔與陳琪對兩名囡囡疼錫有加。

next 1/1 pre

陳琪表示事件發生後,令她更珍惜兩名囡囡。

next 1/1 pre

為了女兒,陳琪已收拾好心情重新出發。

next 1/1 pre

陳琪表示待女兒長大後,會同佢哋講番件事。

next 1/1 pre

陳琪與胡仔十分恩愛,胡仔更曾陪伴老婆拍攝大肚寫真。(資料圖片)

next 1/1 pre

現年40歲的無綫藝員陳琪與老公胡諾言(胡仔)結婚五年,育有兩名分別五歲及兩歲的女兒,由於老公一直恨仔,陳琪早前再度懷孕,滿心希望可以一圓老公心願,但卻意外小產,她說:「舊年11月我意外有咗,我哋唔容易有BB,試咗22個月,拍《點金勝手》期間睇醫生,話我有咗5個星期,但有日開廠唔舒服,去到醫院已經見紅(流血),留院一照,發現BB已冇心跳,醫生安慰我:『可能BB未ready嚟呢個世界,唔好睇得咁嚴重』,我接受到,仲問點樣整番BB出嚟,醫生建議自然排出,但等咗兩星期都冇動靜,好唔正常!」

兩個醫生八個護士圍住

陳琪續說:「之後醫生建議我人工流產,手術好簡單,大概15分鐘,我仲諗住一點鐘做,做完約人食飯,但到我醒番,已經三點,屋企人喺晒度,護士同我講:『同屋企人揮吓手』,我心諗咁怪嘅?仲成床血,我感覺張床單被我啲血整到濕晒,食凝血藥後又嘔又暈,血壓跌得好緊要,醫生話要搵個高級外科醫生幫手,六點前搞唔掂,要切除子宮,當時兩個醫生八個護士圍住我,我感到前所未有咁驚!」

險子宮不保

幸好最後關頭,陳琪仍能保住子宮,她說:「醫生幫我止血,結果真係唔再流血不止,算係保住個子宮,但醫生話風險太大,唔主張我再有小朋友,媽媽或者個BB會有危險,但老公好失望,佢一直恨有個仔,佢話:『雖然子宮係冇切到,但醫生咁講同切咗冇分別』。我本來好想追究醫院,但睇咗幾個醫學權威,都話現時醫學上有好多流血不止個案都係解釋唔到,我無奈接受現實。我好樂觀,就算最嚴重嗰刻,我都交代老公安排屋企事,依家我會更加珍惜兩個女,大女之前想要個細佬,佢對件事好似知知地,等佢兩個大咗,我會同佢哋講番。」



鍾意就快D Share啦!