掃呢頁CODE去手機

2014年12月23日 星期二

人妻楊洛婷機場啜爆老公 心急趕造人 楊洛婷,




【婚禮碌爆卡】人妻楊洛婷機場啜爆老公 心急趕造人

2014-12-23 12:53:00



港姐楊洛婷(Rabee'a)同拍拖8年嘅樂隊Dear Jane主音黃天翱(Tim),本月11號喺美國夏威夷秘密舉行婚禮,享受咗3星期蜜月假期後,今朝由紐約返港,仍然浸淫喺新婚甜蜜嘅楊洛婷大晒粉紅鑽婚戒,二人喺機場啜爆之餘,又話對造人隨時都準備好。

楊洛婷話佢每年都會返加拿大同美國旅行,今次婚禮安排唔算得特別保密,只不過係想有啲聖誕氣氛。喜歡粉紅色嘅楊洛婷喺婚禮中,皆以粉紅色為主題,無論係婚紗、戒指,都係粉紅色,至於隻婚戒有幾多卡?楊洛婷話:「好閃就得,我同啲朋友一齊去揀。」今次婚禮較少圈中人出席,只有徐子珊同東張西望嘅Joe喺婚禮上擔任司儀。

楊洛婷同Tim喺舉行婚禮之前,先喺當地同家人玩咗1個星期,之後再舉行婚禮,楊洛婷話:「我哋十幾人一齊去跳傘,好刺激,安排咗好多嘢玩,不過屋企人話結咗婚先至跳傘,我哋就喺婚禮後第二日去跳。」楊洛婷透露今次佢哋包晒親友全程費用,佢同身邊老公Tim講:「咁你要努力工作,啲單喺我度,要返去計吓先知用咗幾多錢,不過有張咭都碌爆咗。」

楊洛婷指此行佢哋去完夏威夷曬1星期太陽,之後又返咗溫哥華同紐約探屋企人,家人都有催促佢哋造人,楊洛婷話:「有plan,會叫佢(Tim)努力。我爸媽都想快啲,我幾時都ready,想放低工作做呢樣嘢,我日日都諗,會努力。」Tim話:「盡量快啲, 公公住紐約,佢話下次帶埋紅雞蛋返去,唔好隔咁耐。」



晒粉紅婚戒!



恩愛返港!



(攝影:張俊銘、卓振輝)



鍾意就快D Share啦!