網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年12月26日 星期五

最後限期未認輸 葉家寶:同亞視共存亡 葉家寶,亞視,




最後限期未認輸 葉家寶:同亞視共存亡



其他影片:>>






大限將至 葉家寶:同亞視共存亡

【欠薪第26日】

這個冬天,對亞視員工來說真的太冷。續牌未明朗、拖欠員工薪酬以至新聞部不保證元旦起能繼續維持正常報道,隨時違反牌照條款等一籃子問題,令亞視進入史無前例的黑暗時代。身為七朝老臣子的亞視執行董事葉家寶,面對最後倒數仍未感絕望,昨日接受本報專訪時,坦言股東未能夠同心合力固然構成影響,但他會盡最後一口氣跟亞視共同進退,並謂:「希望可以捱過呢一關,亞視唔係等死,係等緊新生!」

撰文:戴彩煥

亞視黃炳均與蔡衍明角力拒絕再注資,令亞視陷入前所未有困局,七百多名員工11月薪酬被拖欠,法庭遂委任德勤會計師行兩名合夥人加入亞視董事局,擔任亞視共同及個別經理人,協助黃炳均出售股份及與政府商討續牌等事宜。由於新聞部表明若除夕還未獲發薪金,元旦日起不保證能維持正常運作,或會影響新聞報道,隨時違反免費電視牌照條款令亞視被釘牌,德勤會計師行兩名合夥人前日呼籲「白武士」出現打救亞視。

59歲亞視執行董事葉家寶,經歷林百欣、封小平、陳永棋等七個朝代,是亞視的老臣子,近日曝光率比旗下任何一個藝員還要高,他昨接受本報專訪,對於白武士出現,他顯得相當樂觀。



■葉家寶已在亞視經歷過七個朝代,直到此刻,他也未認輸。攝影:毛宇軒

葉:葉家寶 記:記者

葉:我對亞視好樂觀,亞視喺香港57年係第一間華語電視台,我深信佢一定長存,一定會有白武士出現。𠵱家首要解決員工出糧問題。我同王征、黃炳均先生有交流,佢哋好有決心將亞視股份全權賣出,亞視未來希望,係一個新買家將亞視重新改組,令亞視生存落去。

記:亞視被指冇製作、冇藝員、冇收視,直接影響投資者信心,甚至續牌?

葉:我自己喺亞視咁長時間,亞視其實係有個發展空間,不過過去呢5年,唔可以話亞視完全失敗,只可以講佢行咗另一條線,未必廣大觀眾接受,我哋行得太前,同一啲慣性睇開電視嘅觀眾口味有一啲距離偏差,有啲觀眾係接受,但有啲觀眾係覺得我哋冇嘢睇,呢個問題係值得將來買家同投資者反省。



■葉家寶表示有投資者接洽,對於白武士出現感樂觀。

續牌問題令客戶卻步

記:觀眾批評節目不停重播,內地色彩濃厚不合港人口味?

葉:我唔同意,內地好多節目好成功,例如《中國好聲音》、《甄嬛傳》等,不斷重播呢個問題係觀眾一啲觀感,早期我哋係密咗,後尾有調節。呢幾年亞視自製節目係多咗,只不過同一類型,觀眾覺得冇嘢睇。

記:藝員走得七七八八,現時只得朱慧珊、劉錫賢、蔡國威,近日你出鏡多過藝員?

葉:我哋曝光率多過藝人,其實好唔想,日日見報係因為公司事要解釋,我哋呢幾年藝員陸續離開,我哋有反省,佢哋離開其實因為我哋呢幾年冇劇拍,滿足唔到佢哋,一個一個走,我哋都覺得可惜。

記:亞視成為股東爭拗下犧牲者?

葉:家和萬事興,股東唔能夠同心係有影響,但唔可以話我哋成為犧牲者,好多外來因素影響我哋營運,好似廣告費加咗,以往合作過嘅客戶離棄我哋,有啲客戶唔鍾意投放喺政論節目,永遠都係雞蛋問題,續牌唔知得唔得,更加令佢哋卻步。我對公司前景有好強烈信心,否則我都唔撐到今日,免費電視台依然有發展空間,15年好快到,希望我哋可以捱過呢一關。期望將來有單一股東就簡單好多,或者有信念同默契先至可以做得到。



■葉家寶(左)經常傍住亞視金主王征出席大小活動。

資料圖片



■視亞視如大家庭的葉家寶(右二),每次與藝人參與活動都感到開心。

資料圖片



■葉家寶不認同重播舊劇令觀眾流失。《我和殭屍有個約會》劇照

「管理層一樣都冇糧出」

記:你係咪一樣冇糧出?

葉:我哋個個管理層一樣冇出糧,冇特殊優惠。好多員工生活有困難,我哋好多部門主管都施以援手,我有借錢畀同事,有同事要供樓、幫仔女交學費。咁多日同事一路冇hea、冇求其做,好專業。我一路奔跑股東之間。近期事件,自己都有啲心罨,冇理由咁大間公司不斷問老闆攞錢,仲邊個有興趣投資?我哋要諗辦法開源,有能力自給自足嘅時候,呢啲問題就解決到。我聽到好似有啲費用係收到,希望下星期一可以發到,或者發到部份,呢幾日我哋真係同時間競賽,我會同亞視共同進退。

記:有人認為亞視𠵱家好似等死?

葉:唔係等死,係等緊新生,股東有同我反映,有興趣買亞視嘅人都有打畀我。我喺度再次呼籲股東注資,白武士快啲出現。

記:網民經常攞張家輝電影對白「仆X啦,亞視嚟嘅!」取笑,而早年壽包擲空凳及王征跳騎呢舞更為一時佳話,點睇?

葉:有唔開心,亞視係咪咁不濟呢?但網民鍾意惡搞,對社會不滿就惡搞,同埋有羊群心態,一知半解就跟埋去做,我哋做媒體都要反省,點解咁多人唔鍾意我哋呢?但都有一班觀眾支持我哋,只不過佢哋冇運用網絡去讚揚。未來吸引年輕觀眾唔容易,但唔可以忽略多平台發展,希望吸納多啲觀眾睇亞視,起碼唔好憎亞視。



鍾意就快D Share啦!