網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年12月3日 星期三

[FACE - 393] 細細粒 好想同謝安肥瘋狂美圖 細細粒,MF,




A貨小寶陳嘉佳打橫瞓

同一個場景,同一件旗袍,差不多甫士,不過今次就轉由細細粒演繹另類「女神」,好「 fresh」呀!

封面

好想同謝安肥瘋狂美圖

扮過功夫熊貓,又扮過本地樂壇天后容祖兒,仲扮過國際巨星 Lady Gaga嘅細細粒(陳嘉佳),唔靠個樣搵食,靠扮嘢可以人人拍爛手掌,加上最近大結局套《老表》做「周麗敏」開口埋口 Vivienne,又同 Bob激咀搶晒鏡,細細粒唔再係二打六。

喺大台成功升呢,細細粒更努力減磅,結果成功搣咗 30磅肥膏,更信心十足應本刊要求,去同一場地學女神謝安琪着旗袍變 sexy女人,真係交足戲㗎!







原裝

Kay貴為高登女神,完美身材加天使面孔着起旗袍,打橫瞓喺長椅,真係想知張繼聰一日 24小時點過! HMViss圖片

由細到大都係巨碼肥妹身形嘅細細粒,體重一直徘徊 200磅高危磅數,雖然身體未有響警號,但過肥始終對身體有影響,所以細細粒最近就立下決心減肥,仲轉食素菜,最終搣走 30磅肥膏,踏出瘦身第一步。

天生不是女神

細細粒扮嘢方面駕輕就熟,但今次扮高登女神謝安琪,仲要係索到核爆嘅旗袍噴血 look,細細粒就話:「自己同『女神』兩個字真係大纜都扯唔埋!」但仍勇於接受挑戰。

不過細細粒就算減咗 30磅,仍擔心會擠晒啲肥膏出來,嚇親人事小,傷自尊心先係問題,最後細細粒都成功穿上 sexy旗袍,發揮女神「 BB」味道。「雖然瘦咗,不過都係冇異性追我,我自己工作行先,唔心急拍拖。男朋友就只得一個要求,就係要真心對我同錫我。」冇拍過拖嘅 29歲細細粒,幾時先有初戀呀?

學媚態

細細粒扮起 Kay,佢話眼神先係重點。

Kay呢招對鏡搽唇膏,性感爆晒燈! HMViss圖片

細細粒雖然扮嘢經驗十足,不過今次要扮女神謝安琪,都唔敢怠慢,由化妝到旗袍到場地都一一跟到足,好認真㗎!

細細粒嘅初吻奉獻咗畀 Bob,週日晚《老表,你好 hea!》大結局,兩個又再一次係台上咀嘴,好大犧牲㗎!

好勉強

因為身形有別,細細粒明知做唔到 Kay拗腰動作,都硬着頭皮盡量去嘗試,就算出來效果有出入,不過「敬業樂業」值得欣賞。

Kay呢個 S形動作睇落好易,但原來着住旗袍,身形差啲都做唔到, Kay果然係最索人妻。 HMViss圖片

扮嘢又上到位喎!

細細粒憑《 Sunday扮嘢王》打響名堂,節目出街後多咗好多商演活動,原來細細粒唔只演得,仲好「唱」得,分分鐘下年樂壇新人就係佢!

扮祖兒

細細粒喺《 Sunday扮嘢王》中,試過扮樂壇天后容祖兒,又唱又跳,對於二百磅身形嘅細細粒嚟講,真係少啲體力都唔掂。

扮 Gaga

細細粒扮嘢扮到出晒位,多咗唔少公司搵佢擔任表演嘉賓,之前登台試過扮國際天后 Lady Gaga添!

扮熊貓

細細粒唔只扮人有一手,就連扮卡通人物功夫熊貓都扮到勁似。

「一路扮開嘢!」

細細粒扮完高登女神謝安琪,轉頭就要扮萬綺雯喺《老表,你好 hea!》嘅靜雯 BB,一時溫柔一時就兇神惡煞,雖然難度增加,不過唔使着旗袍,簡單以恤衫牛仔褲加風褸出場,細細粒即刻「淨心 BB」上身,仲好快就投入火爆齊靜雯的角色。對於扮完兩個唔同類型嘅人有咩感覺,細細粒就答:「自己一路都有扮開嘢,所以𠵱家對於扮邊個都冇乜特別感覺」

其實貪靚係其次,細細粒減肥為健康,佢仲成日都 keep住 check,好在 8月先 check過冇三高,但都係減定啦,話唔埋索過索 Kay都有機呀!

扮《老表》靜雯:冇異性追我!

唔使着旗袍,細細粒明顯表現較輕鬆,扮起「情敵」萬綺雯嘅齊靜雯角色入形入格,表情仲多份嬌柔添!

萬綺雯係《老表,你好 hea!》飾演齊靜雯角色,雖然外表斯文,不過只要戴上眼鏡,性格就會變得火爆,行為粗魯。電視圖片

萬綺雯喺《老表,你好 hea!》飾演的齊靜雯角色,擺明影射陳淨心,其後陳淨心喺微博出 post炮轟,仲話「低級趣味!」多謝你幫手宣傳喎!《蘋果日報》圖片

《老表,你好 hea!》中,細細粒初吻奉獻咗畀 Bob飾演嘅郭寶,呢場咀戲更拍足 5個鐘,真係睇見都覺得飽。電視圖片

P圖吧!美圖兵團

花姨眼火柴腳

參考花姨「美圖秀秀」嘅技術,《 FACE》幫細細粒張相執「靚」,大眼加上手腳都變幼晒,索呀!

細細粒平時都有鋪「美圖秀秀」癮,不過就冇花姨執得咁誇張,細細粒仲話只會執面而唔會執個身喎。

我冇化妝先會用「美圖秀秀」㗎!

花姨教 2分鐘 P花眼

講到美圖點少得花姨呢?上週花姨嘅美圖一出,即成為圈中唔少惡搞對象,花姨話初頭有少少唔開心。她說:「我兩個仔話,媽咪你又搞咩嘢呀,其實我冇放上網,係有記者有我電話,見到我 WhatsApp圖像攞嚟做新聞。初頭有啲唔開心,但後來咁多人跟住玩,我又覺得令大家開心啦。」花姨當日仲親自示範點美圖,相當熟手。

花姨即 P

花姨現場即席示範美圖,由自拍到美圖,全個過程唔使兩分鐘,果然係達人級別。

花姨唔使兩分鐘就美圖完畢,但就好謙咁話自己唔識美圖,「我叻就唔使整到欄杆攣咗都唔知啦(右圖)!」

就係呢張 WhatsApp頭像相令花姨成為美圖達人,不過花姨就話:「冇人教我㗎,自己㩒㩒吓就識㗎」網上圖片

網上圖片

花姨嘅美圖成為熱潮,少爺占同陳嘉恒即刻向佢致敬。網上圖片



鍾意就快D Share啦!